കൊ​ല്ലം: ഷെ​യർ ട്രേ​ഡിംഗിന്റെ മ​റ​വിൽ കി​ളി​കൊ​ല്ലൂർ സ്വ​ദേ​ശി​യിൽ നി​ന്ന് 1.75 കോ​ടി ത​ട്ടി​യെ​ടു​ത്ത സം​ഘ​ത്തിലെ ര​ണ്ട് യു​വാ​ക്കൾ കൊ​ല്ലം സി​റ്റി സൈ​ബർ പൊ​ലീ​സി​ന്റെ പി​ടി​യി​ലാ​യി. ക​ണ്ണൂർ ക​ടാ​ച്ചി​റ ബൈ​ത്തു​റ​ഹ്​മ റെ​യീ​സ് (40), ക​ണ്ണൂർ ക​ടാ​ച്ചി​റ ഫിർ​ദൗ​സ് ഹൗ​സിൽ നാ​സീം (26) എ​ന്നി​വ​രാ​ണ് കൊ​ല്ലം സി​റ്റി സൈ​ബർ പൊ​ലീ​സി​ന്റെ പി​ടി​യി​ലാ​യ​ത്.
കു​റ​ഞ്ഞ സ​മ​യ​ത്തി​നു​ള്ളിൽ വൻ ലാ​ഭ​മു​ണ്ടാ​ക്കാ​മെ​ന്ന് വി​ശ്വ​സി​ച്ച് വ്യാ​ജ ആ​പ്ലി​ക്കേ​ഷൻ ഇൻ​സ്റ്റാൾ ചെ​യ്യിപ്പിച്ച ശേ​ഷം പ​ല ത​വ​ണ​ക​ളാ​യി പ​ണം നി​ക്ഷേ​പിപ്പി​ക്കു​ക​യാ​യി​രു​ന്നു. നി​ക്ഷേ​പി​ക്കു​ന്ന​തി​ന് അ​നു​സ​രി​ച്ച് ലാ​ഭം വർ​ദ്ധി​ക്കു​ന്ന​താ​യി ആ​പ്ലി​ക്കേ​ഷ​നിൽ കാ​ണിച്ച് കൂ​ടു​തൽ നി​ക്ഷേ​പം ന​ട​ത്തിച്ചു. സ​ഹോ​ദ​രി​യു​ടെ പേ​രി​ലു​ള്ള സ്വ​ത്തു​ക്കൾ പ​ണ​യ​പ്പെ​ടു​ത്തി വ​രെ യു​വാ​വ് നി​ക്ഷേ​പം ന​ട​ത്തി. ഒ​ടു​വിൽ നി​ക്ഷേ​പി​ച്ച തു​ക​യോ ലാ​ഭ​വി​ഹി​ത​മോ പിൻ​വ​ലി​ക്കാൻ ക​ഴി​യാ​തെ വ​ന്ന​തോ​ടെയാ​ണ് കൊ​ല്ലം സി​റ്റി സൈ​ബർ പൊ​ലീ​സി​നെ സ​മീ​പി​ച്ച​ത്.

അ​ന്വേ​ഷ​ണ​ത്തിൽ തു​ക റെ​യീ​സും നാ​സീ​മും ചേർ​ന്ന് ക​മ്പ​നി​കൾ ര​ജി​സ്റ്റർ ചെ​യ്​ത് അ​വ​യു​ടെ അ​ക്കൗ​ണ്ടു​ക​ളി​ലേ​ക്കും കൂ​ടാ​തെ മ​റ്റ് പ​ല അ​ക്കൗ​ണ്ടു​ക​ളി​ലേ​ക്കും കൈ​മാ​റി​യ​താ​യി ക​ണ്ടെ​ത്തി. ഇ​വർ​ക്ക് ഗോ​വ, ഗു​ജ​റാ​ത്ത് തു​ട​ങ്ങി​യ സ്ഥ​ല​ങ്ങ​ളി​ലു​ള്ള സൈ​ബർ ത​ട്ടി​പ്പ് സം​ഘ​ങ്ങ​ളു​മാ​യി അ​ടു​ത്ത ബ​ന്ധ​മു​ണ്ട്.
കൊ​ല്ലം സി​റ്റി സൈ​ബർ പൊ​ലീ​സ് സ്റ്റേ​ഷൻ ഇൻ​സ്‌​പെ​ക്ടർ അ​ബ്ദുൽ മ​നാ​ഫി​ന്റെ നേ​തൃ​ത്വ​ത്തിൽ എ​സ്.ഐ മാ​രാ​യ ഗോ​പ​കു​മാർ, നി​യാ​സ്, ന​ന്ദ​കു​മാർ, എ.എ​സ്.ഐമാ​രാ​യ ഗാ​യ​ത്രി​ച​ന്ദ്രൻ, റീ​ന, സി.പി.ഒമാ​രാ​യ റീ​ജ, അ​ബ്ദുൾ ഹ​ബീ​ബ്, റോ​ഹി​ത്, രാ​ഹുൽ ക​ബൂർ, എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.