കൊ​ല്ലം: വെളിനല്ലൂർ ഗ്രാമപഞ്ചായത്തിൽ ഇത്തിക്കരയാറ്റിൽ തടയണ നിർമ്മിച്ച് കുടിവെള്ള ലഭ്യത ഉറപ്പാക്കി. ഇതോടെ 4,000 കുടുംബങ്ങൾക്ക് വേനൽക്കാലത്തും വെള്ളം ലഭിക്കും. തടയണ നിർമ്മിച്ച ഭാഗത്ത് വിനോദസഞ്ചാര സാദ്ധ്യതകൾ വർദ്ധിപ്പിക്കാൻ കുട്ടവഞ്ചി സവാരി ആരംഭിക്കാനും തീരുമാനമായി.

തടയണ :

• ആറ്റൂർക്കോണം വാർഡ് പരിധിയിലാണ് 2.10 കോടി രൂപ ചെലവിൽ തടയണ പൂർത്തിയാക്കിയത്.
• മേജർ ഇറിഗേഷൻ വകുപ്പാണ് നിർമ്മാണ ചുമതല നിർവഹിച്ചത്.
• ആറ്റൂർക്കോണം പമ്പ് ഹൗസിലേക്ക് ആവശ്യമായ വെള്ളം ഇവിടെ നിന്നും ലഭ്യമാക്കും.

വിനോദസഞ്ചാരം :

• തടയണയും പരിസരപ്രദേശങ്ങളും വിനോദസഞ്ചാരത്തിന് അനുയോജ്യമാക്കാൻ ഗ്രാമപഞ്ചായത്ത് മുൻകൈയെടുത്ത് കുട്ടവഞ്ചി സവാരിക്ക് തുടക്കം കുറിച്ചു.
• ഇതിനായി റിവേര സ്പോർട്സ് അറീന എന്ന സംരംഭകരെ തിരഞ്ഞെടുത്തു.
• ഒരു കോടി രൂപയുടെ ടൂറിസം പദ്ധതികളാണ് ആസൂത്രണം ചെയ്തിരിക്കുന്നത്.
• ആദ്യഘട്ടമായി 25 ലക്ഷം രൂപയുടെ കുട്ടവഞ്ചി സവാരി ഓണത്തിന് തുടങ്ങും.
• കൂടാതെ, കുട്ടികൾക്കായി കളിസ്ഥലം, റെസ്റ്റോറന്റ്, ടോയ്‌ലറ്റ്, വാട്ടർഫൗണ്ടൻ എന്നിവ ഒരുക്കും.
• കയാക്കിംഗ്, പെഡൽ ബോട്ട് തുടങ്ങിയ സൗകര്യങ്ങളും ഏർപ്പെടുത്തും.

സുരക്ഷയും ബുക്കിംഗും

എല്ലാ സുരക്ഷാ മാനദണ്ഡങ്ങളും പാലിച്ചായിരിക്കും പ്രവർത്തനങ്ങൾ. ഓൺലൈൻ, ഫോൺ, പ്ലേസ്പോട്ട് ആപ്പ് വഴിയും കുട്ടവഞ്ചി യാത്ര ബുക്ക് ചെയ്യാൻ സാധിക്കും.

ചെ​ക്ക്​ഡാ​മി​ന് പു​റ​ത്താ​യി കു​ട്ടി​കൾ​ക്കാ​യി സി​മ്മിം​ഗ്​പൂ​ളും നിർ​മ്മിക്കും. ഒ​രു കോ​ടി രൂ​പ​യോ​ളം​ വ​രു​ന്ന ടൂ​റി​സം പ​ദ്ധ​തി​ക​ളാ​ണ് ആ​സൂ​ത്ര​ണം ചെ​യ്​തി​രി​ക്കു​ന്ന​ത്. ആ​ദ്യ​ഘ​ട്ട​മാ​യി 25 ല​ക്ഷം രൂ​പ ചെ​ല​വാ​ക്കി​യു​ള്ള കു​ട്ട​വ​ഞ്ചി സ​വാ​രി ഓ​ണ​ത്തി​ന് തു​ട​ങ്ങുംം.

അ​ഡ്വ എം. അൻ​സർ

പ്ര​സി​ഡന്റ് , വെളിനല്ലൂർ ഗ്രാമപഞ്ചായത്ത്