കൊല്ലം: വർക്കല എസ്.എൻ കോളേജിൽ ശ്രീനാരായണഗുരു എംപ്ലോയീസ് കൗൺസിൽ യൂണിറ്റ്തല യോഗം എസ്.എൻ ട്രസ്റ്റ്‌ എക്സിക്യുട്ടിവ് അംഗം അജി എസ്.ആർ.എം ഉദ്ഘാടനം ചെയ്തു.

സംസ്ഥാന കോ- ഓർഡിനേറ്റർ പി.വി. രജിമോൻ മുഖ്യപ്രഭാഷണം നടത്തി. സംസ്ഥാന പ്രസിഡന്റ് ഡോ. എസ്. വിഷ്ണു സംഘടന സന്ദേശം നൽകി. യൂണിറ്റ് പ്രസിഡന്റ്‌ ഡോ. ജൂബിലി അദ്ധ്യക്ഷത വഹിച്ചു. പ്രിൻസിപ്പൽ പ്രൊഫ. ഷീബ സ്വാഗതവും യൂണിറ്റ് സെക്രട്ടറി ഡോ. ആർ. രേഷ്മ നന്ദിയും പറഞ്ഞു. എസ്.എൻ.ഡി.പി യോഗത്തിന്റെയും എസ്.എൻ ട്രസ്റ്റിന്റെയും അമരത്ത് 30 വർഷം പൂർത്തിയാക്കുന്ന വെള്ളാപ്പള്ളി നടേശന് 23ന് കൊല്ലത്ത് നൽകുന്ന സ്നേഹാദരവിൽ എല്ലാ ജീവനക്കാരെയയും പങ്കെടുപ്പിക്കാൻ തീരുമാനിച്ചു. ശ്രീനാരായണഗുരു എംപ്ലോയീസ് കൗൺസിലിന്റെയും ശ്രീനാരായണ റിട്ട. ടീച്ചേഴ്സ് കൗൺസിലിന്റെയും ആഭിമുഖ്യത്തിലാണ് സ്നേഹാദരവ്.