തൊടിയൂർ: ഒരു നാടിന്റെ സ്വപ്ന സാക്ഷാത്കാരമായി ഉയർന്ന മാളിയേക്കൽ റെയിൽവേ മേൽപ്പാലത്തിന് ഇന്ന് ഒരു വയസ് തികയുന്നു. അടച്ചിടുന്ന ലെവൽ ക്രോസിൽ കാത്തുനിന്നും ഗതാഗത കുരുക്കിൽ
നട്ടം തിരിഞ്ഞും വലഞ്ഞ നാട്ടുകാരുടെ ദശാബ്ദങ്ങളായുള്ള ആവശ്യമായിരുന്നു മാളിയേക്കൽ മേൽപ്പാലം .

പദ്ധതിയുടെ നാൾ വഴികൾ

• ഒന്നാം പിണറായി സർക്കാരിന്റെ കാലത്ത് കരുനാഗപ്പള്ളി എം.എൽ.എയായിരുന്ന ആർ.രാമചന്ദ്രന്റെ ശ്രമഫലമായി പാലത്തിനായി ഫണ്ട് അനുവദിച്ചു.
• എം.പി.യായിരുന്ന എ.എം.ആരിഫിന്റെ ഇടപെടലിലൂടെ റെയിൽവേയുടെ അനുമതിയും വേഗത്തിൽ ലഭിച്ചു.
• 2021 മാർച്ച് 23-ന് മുഖ്യമന്ത്രി പിണറായി വിജയൻ ഓൺലൈനായി നിർമ്മാണോദ്ഘാടനം നിർവഹിച്ചു.
• കേരള റോഡ്സ് ആൻഡ് ബ്രിഡ്ജസ് ഡെവലപ്‌മെന്റ് കോർപ്പറേഷനാണ് നിർമ്മാണം നടത്തിയത്.
• 33.04 കോടി രൂപയായിരുന്നു നിർമ്മാണച്ചെലവ്.
• 44 ഭൂവുടമകളിൽ നിന്ന് സ്ഥലം ഏറ്റെടുത്താണ് 547 മീറ്റർ നീളവും 10.15 മീറ്റർ വീതിയുമുള്ള പാലം നിർമ്മിച്ചത്.
• സ്റ്റീൽ കോൺക്രീറ്റ് കോമ്പോസിറ്റ് രീതിയിലാണ് ഇതിന്റെ നിർമ്മാണം.
• 70 മെട്രിക് ടൺ വരെ ഭാരം താങ്ങാൻ പാലത്തിന് ശേഷിയുണ്ട്.

ഇപ്പോഴത്തെ സ്ഥിതിയും പ്രശ്നങ്ങളും

മേൽപ്പാലം തുറന്ന് ഒരു വർഷം പിന്നിടുമ്പോഴും കാര്യമായ അപകടങ്ങളൊന്നും ഇവിടെ റിപ്പോർട്ട് ചെയ്തിട്ടില്ല എന്നത് ആശ്വാസകരമാണ്. എന്നിരുന്നാലും ചില പ്രശ്നങ്ങൾ ഇപ്പോഴും നിലനിൽക്കുന്നുണ്ട്.

• പാലത്തിൽ സ്ഥാപിച്ചിട്ടുള്ള സോളാർ ലൈറ്റുകളിൽ പലതും ഇപ്പോൾ പ്രകാശിക്കുന്നില്ല.

• സർവീസ് റോഡിന്റെ ഓട നിർമ്മാണം ഇനിയും പൂർത്തിയായിട്ടില്ല.