കുന്നത്തൂർ: ജനാധിപത്യ കലാസാഹിത്യവേദിയുടെ പ്രഥമ സദ്ഭാവന അവാർഡിന് കേരള ഭാഷാ ഇൻസ്റ്റിറ്റ്യൂട്ട് മുൻ ഡയറക്ടറും എഴുത്തുകാരനും പ്രഭാഷകനുമായ ഡോ. എം.ആർ തമ്പാൻ അർഹനായി. 25000 രൂപയും പ്രശസ്തിപത്രവും ഫലകവും അടങ്ങുന്നതാണ് അവാർഡ്. 20ന് ദേശീയ സദ്ഭാവനാ ദിനാചരണത്തിന്റെ ഭാഗമായി ജനാധിപത്യ കലാസാഹിത്യ വേദി തിരുവനന്തപുരം പ്രസ് ക്ലബിൽ സംഘടിപ്പിക്കുന്ന ചടങ്ങിൽ അവാർഡ് സമ്മാനിക്കും.

മലയാള സാഹിത്യ മേഖലയ്ക്ക് നൽകിയ സമഗ്രസംഭാവനകൾ പരിഗണിച്ചാണ് അവാർഡ് സമ്മാനിക്കുന്നത്. ബി.എസ്.ബാലചന്ദ്രൻ, ഡോ.വിളക്കുടി രാജേന്ദ്രൻ, ഡോ. എം.എസ്.ശ്രീലാറാണി എന്നിവരടങ്ങിയ ജൂറിയാണ് അവാർഡ് നിശ്ചയിച്ചതെന്ന് സംസ്ഥാന ചെയർമാൻ കുന്നത്തൂർ ജെ.പ്രകാശ്, സെക്രട്ടറി സഹദേവൻ കോട്ടവിള, ഡോ. എം.എസ്.ശ്രീലാറാണി എന്നിവർ അറിയിച്ചു.