പത്തനാപുരം: എസ്.എൻ.ഡി.പി യോഗം പത്തനാപുരം യൂണിയനിലെ 462-ാം നമ്പർ പിറവന്തൂർ കിഴക്ക് ശാഖയിൽ വാർഷിക പൊതുയോഗവും ഭരണസമിതി തിരഞ്ഞെടുപ്പും നടന്നു. യൂണിയൻ പ്രസിഡന്റ് ആദംകോട് കെ.ഷാജിയുടെ അദ്ധ്യക്ഷതയിൽ നടന്ന പരിപാടികൾ യൂണിയൻ സെക്രട്ടറി ബി.ബിജു ഉദ്ഘാടനം ചെയ്തു. യൂണിയൻ വൈസ് പ്രസിഡന്റ് കെ.കെ.ശശീന്ദ്രൻ, യോഗം ഡയറക്ടർ പിറവന്തൂർ ഗോപാലകൃഷ്ണൻ, യൂണിയൻ കൗൺസിലർ വി.ജെ.ഹരിലാൽ, വനിതാ സംഘം യൂണിയൻ വൈസ് പ്രസിഡന്റ് ദീപജയൻ,സെക്രട്ടറി എസ്.ശശിപ്രഭ, യൂത്ത് മൂവ്മെന്റ് യൂണിയൻ പ്രസിഡന്റ് റിജു വി.ആമ്പാടി, സെക്രട്ടറി ബിനു സുരേന്ദ്രൻ തുടങ്ങിയവർ സംസാരിച്ചു. ശാഖ പ്രസിഡന്റ് കെ.ബൈഷി സ്വാഗതവും സി.ആർ.രജികുമാർ നന്ദിയും ആക്ടിംഗ് സെക്രട്ടറി വി.റെജി ശാഖയുടെയും വി.സന്ധ്യ വനിതസംഘത്തിന്റെയും വരവ് ചെലവ് കണക്കും പ്രവർത്തന റിപ്പോർട്ടും അവതരിപ്പിച്ചു. ഭാരവാഹികളായി സി.ആ‌ർ.രജികുമാർ (പ്രസിഡന്റ്), അഡ്വ.ടി.രാജു(വൈസ് പ്രസിഡന്റ്), അജിത റെജി(സെക്രട്ടറി), റിജു വി.ആമ്പാടി (യൂണിയൻ പ്രതിനിധി) എന്നിവരെയും എക്സിക്യുട്ടീവ് കമ്മിറ്റി അംഗങ്ങളായി കെ.ബൈഷി, സജിനിമണി, എസ്.സുഭാഷ്, സി.ഡി.മനോജ്, ടി.എൻ.പ്രകാശ്, സൂര്യ അജി, ഗീതഇന്ദ്രൻ എന്നിവരെയും പൊതുയോഗം തിരഞ്ഞെടുത്തു.