കൊല്ലം: കേരള ഖാദി ഗ്രാമ വ്യവസായ ബോർഡും അംഗീകൃത ഖാദി സ്ഥാപനങ്ങളും സംയുക്തമായി സംഘടിപ്പിക്കുന്ന ഖാദി ഓണം മേള സമ്മാന പദ്ധതിയുടെ ഭാഗമായി പ്രതിവാര നറുക്കെടുപ്പ് കൊല്ലം കർബല ഖാദി ഗ്രാമ സൗഭാഗ്യയിൽ നടന്നു. കൊല്ലം കോർപ്പറേഷൻ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ സജീവ് നറുക്കെടുപ്പ് നടത്തി. ഖാദി ഗ്രാമ സൗഭാഗ്യയിലെ ഉപഭോക്താവായ ജയരാജാണ് നറുക്കെടുപ്പ് വിജയി. കൂപ്പൺ നമ്പർ 490427. വിജയിക്ക് 3000 രൂപയുടെ ഖാദി ഗിഫ്റ്റ് വൗച്ചർ പ്രോജക്ട് ഓഫീസർ സമ്മാനിച്ചു. അടുത്ത നറുക്കെടുപ്പ് 20ന് നടക്കും.