പുനലൂർ: എസ്.എൻ.ഡി.പി. യോഗം പുനലൂർ യൂണിയനിലെ ഐക്കരക്കോണം 315-ാം നമ്പർ ശാഖയിൽ ശ്രീനാരായണ ഗുരുദേവന്റെ പഞ്ചലോഹ വിഗ്രഹ പ്രതിഷ്ഠാ കർമ്മവും ഗുരുദേവ മന്ദിര പ്രാർത്ഥനാ മണ്ഡപ സമർപ്പണവും 26, 27, 28 തീയതികളിൽ നടക്കും. 27 ന് രാവിലെ 9ന് യൂണിയൻ പ്രസിഡന്റ് ടി.കെ. സുന്ദരേശൻ ഗുരുദേവ വിഗ്രഹം ശാഖാ ഭാരവാഹികൾക്ക് കൈമാറും. 28ന് രാവിലെ 8.50നും 9.30നും മദ്ധ്യേയുള്ള ശുഭമുഹൂർത്തത്തിൽ ശിവഗിരി മഠാധിപതി സ്വാമി സച്ചിദാനന്ദ വിഗ്രഹ പ്രതിഷ്ഠാ കർമ്മം നിർവഹിക്കും. ഐക്കരക്കോണം പൂങ്ങോട് ശിവക്ഷേത്രം മേൽശാന്തി ശ്രീജിത് ആണ് മുഖ്യ കാർമ്മികൻ. യൂണിയൻ പ്രസിഡന്റ് ടി.കെ. സുന്ദരേശൻ ഗുരുദേവ മന്ദിര സമർപ്പണവും ശാഖാ പ്രസിഡന്റ് ക്യാപ്റ്റൻ എസ്. മധുസൂദനൻ പ്രാർത്ഥനാ മണ്ഡപത്തിന്റെ ഉദ്ഘാടനവും നടത്തും. രാവിലെ 11.15ന് നടക്കുന്ന പൊതുസമ്മേളനം യൂണിയൻ പ്രസിഡന്റ് ടി.കെ.സുന്ദരേശൻ ഉദ്ഘാടനം ചെയ്യും. ശാഖാ പ്രസിഡന്റ് ക്യാപ്റ്റൻ എസ്.മധുസൂദനൻ അദ്ധ്യക്ഷനാകും . സെക്രട്ടറി എസ്.വി.ദീപ്കുമാർ റിപ്പോർട്ട് അവതരിപ്പിക്കും. വിഗ്രഹശില്പി രാജു തൃക്കാക്കര , ഗുരുമന്ദിര നിർമ്മാണശില്പി പ്രഭാകരൻ , ഏരീസ് ഗ്രൂപ്പ് സി.ഇ.ഒ സോഹൻ റോയി, മുരളിയ ഫൗണ്ടേഷൻ മുരളീധരൻ , ചെയർമാൻ വെസ്റ്റ് ഓഷ്യാനിക് ഗ്രൂപ്പ് യു.എ.ഇ /ഇന്ത്യ കെ.എസ്.അജിത് കുമാർ , ഏരീസ് ഗ്രൂപ്പ് എം.ഡി എൻ.പ്രഭിരാജ്, എൻജിനീയർ ആർ.രാജേഷ് , കൺസ്ട്രക്ഷൻ സൂപ്പർവൈസർ പി.കെ.ശശി എന്നിവരെ ചടങ്ങിൽ ആദരിക്കും. നഗരസഭ ചെയർപേഴ്സൺ കെ.പുഷ്പലത മുഖ്യപ്രഭാഷണം നടത്തും . യൂണിയൻ സെക്രട്ടറി ആർ.ഹരിദാസ് ഗുരുദേവ സന്ദേശം നൽകും . യോഗം അസിസ്റ്റന്റ് സെക്രട്ടറി വനജ വിദ്യാധരൻ സംഘടനാ വിശദീകരണം നടത്തും. യൂണിയൻ വൈസ് പ്രസിഡന്റ് എ.ജെ.പ്രതീപ് , യോഗം ഡയറക്ടർ ബോർഡ് അംഗങ്ങളായ എൻ.സതീഷ്കുമാർ , ജി.ബൈജു , യൂണിയൻ കൗൺസിലർ മാരായ എസ്.സദാനന്ദൻ , കെ.വി.സുഭാഷ് ബാബു, ബി.ശശിധരൻ , സന്തോഷ് ജി നാഥ് , എസ്.എബി , എൻ.സുന്ദരേശൻ , ഡി.ബിനിൽകുമാർ , യൂണിയൻ വനിതാ സംഘം പ്രസിഡന്റ് ഷീല മധുസൂദനൻ , വൈസ് പ്രസിഡന്റ് ഉദയകുമാരി ഉദയൻ , സെക്രട്ടറി ഓമന പുഷ്പാംഗദൻ എന്നിവർ സംസാരിക്കും. യൂണിയൻ പ്രതിനിധി ബി.ചന്ദ്രബാബു സ്വാഗതം , ശാഖാവനിതാ സംഘം പ്രസിഡന്റ് അഞ്ജു സുനിൽ നന്ദിയും പറയും . ഉച്ചയ്ക്ക് അന്നദാനവും ഉണ്ടായിരിക്കും.