ഓയൂർ: കരിങ്ങന്നൂർ റെസിഡൻസ് അസോസിയേഷന്റെ ഏഴാമത് വാർഷികാ സമ്മേളനവും കുടുംബസംഗമവും വെളിന്നല്ലൂർ സഹകരണ ബാങ്ക് ഹാളിൽ നടന്നു. അസോസിയേഷൻ പ്രസിഡന്റ് എൻ.മണിരാജൻ അദ്ധ്യക്ഷനായി. വെളിന്നല്ലൂർ ഗ്രാമപഞ്ചായത്ത് പ്രസിഡന്റ് അഡ്വ.എം.അൻസർ ഉദ്ഘാടനം ചെയ്തു. അസോസിയേഷൻ സെക്രട്ടറി പി. രാജേന്ദ്രൻ നായർ സ്വാഗതം പറഞ്ഞു. സമ്മേളനത്തിൽ സർഗ പ്രഭാഷകൻ ഡോ.സജിത്ത് ഏവൂരേത്ത് മുഖ്യപ്രഭാഷണം നടത്തി. നീറ്റ് പരീക്ഷയിൽ ഉന്നത വിജയം നേടിയ ആർ.എസ്. ദേവികയെ ചടങ്ങിൽ അനുമോദിച്ചു. വിവിധ മേഖലകളിൽ മികവ് തെളിയിച്ച വ്യക്തികളെ ആദരിക്കുകയും കലാമത്സരങ്ങളിൽ വിജയികളായ കുട്ടികൾക്ക് സമ്മാനങ്ങൾ നൽകുകയും ചെയ്തു. അഡ്വ.ആർ.ജയന്തി ദേവി (ചടയമംഗലം ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ), സുഷമ (ബ്ലോക്ക് പഞ്ചായത്ത് മെമ്പർ, കരിങ്ങന്നൂർ), കെ.വിശാഖ് (പഞ്ചായത്ത് മെമ്പർ), കെ.എസ്.രാജേഷ്, പി.ഷാജി, പി.ശ്രീകുമാർ, വേക്കൽ മണി, ഭാനുദേവൻ ഉണ്ണിത്താൻ എന്നിവർ സംസാരിച്ചു. അസോസിയേഷൻ ട്രഷറർ കെ. മുരളീധരൻ നന്ദി പറഞ്ഞു.