കൊല്ലം: എം.ഡി.എം.എ കടത്തിയ കേസുകളിൽ പ്രതിയായ യുവതിയെ കരുതൽ തടങ്കലിലാക്കി. വെള്ളിമൺ ഇടവട്ടം ശൈവം വീട്ടിൽ അനില രവീന്ദ്രനാണ് (33) തടങ്കലിലായത്. 2021 ഒക്ടോബറിൽ മൂന്ന് ഗ്രാം എം.ഡി.എം.എ, അഞ്ച് ഗ്രാം ഹാഷിഷ് ഓയിൽ എന്നിവയുമായി തൃക്കാക്കരയിലുള്ള ഫ്ലാറ്റിൽ നിന്ന് അനില പിടിയിലായിരുന്നു. കഴിഞ്ഞ മാർച്ചിൽ കാറിൽ വരികയായിരുന്ന അനില 40 ഗ്രാം എം.ഡി.എം.എയുമായി വീണ്ടും പിടിയിലായി. പിന്നീട് നടത്തിയ പരിശോധനയിൽ രഹസ്യഭാഗത്ത് ഒളിപ്പിച്ചിരുന്ന 56 ഗ്രാം എം.ഡി.എം.എ കണ്ടെടുത്തു. ബംഗളൂരുവിൽ നിന്ന് വാങ്ങിയ എം.ഡി.എം.എ കൊല്ലത്തെ ചില്ലറ വില്പനക്കാരന് കൈമാറാനായി കൊണ്ടുവരികയായിരുന്നു.