കൊല്ലം: കൊല്ലം റിറ്റ്സി​ന്റെ നേതൃത്വത്തി​ൽ ജവഹർ ജംഗ്ഷനിൽ സിവിൽ സർവീസ് പരി​ശീലനം ആരംഭിക്കുന്നു. അഞ്ചു മുതൽ പന്ത്രണ്ട് വരെ ക്ളാസുകളി​ൽ പഠി​ക്കുന്നവർക്കാണ് പരി​ശീലനം. സ്കൂൾ പഠനത്തോടൊപ്പം തന്നെ ഓളിംപിയർഡ്, യു.എസ്.എസ്, എൻ.എം.എം.എസ് പരീക്ഷകൾക്ക് സഹായകരമാകും വിധമാണ് പരിശീലനം.

അപ്പർ പ്രൈമറി, ഹൈസ്കൂൾ, ഹയർ സെക്കൻഡറി വിഭാഗങ്ങളിലായി മാത്‌സ്, ഇന്ത്യൻ ഹിസ്റ്ററി, വേൾഡ് ഹിസ്റ്ററി, ജ്യോഗ്രഫി, ജനറൽ സയൻസ്, കമ്മ്യൂണിക്കേറ്റി​വ് ഇംഗ്ലീഷ്, മെന്റൽ എബിലിറ്റി, ഇന്ത്യൻ ലാ ആൻഡ് പൊളിറ്റിക്സ് എന്നീ വി​ഷയങ്ങൾ കൂടാതെ ഗ്രൂപ്പ് ഡിസ്‌കഷൻ, മോക്ക് ഇന്റർവ്യു തുടങ്ങി വിശാലമായ സിലബസാണ് പരി​ശീലനത്തി​ലുള്ളത്. ബിരുദം നേടിയാൽ ആദ്യ ചാൻസിൽ തന്നെ പ്രിലിമിനറി നേടുക എന്നതായി​രി​ക്കും ലക്ഷ്യം. കേരളത്തിൽ നിന്നുള്ള സിവിൽ സർവീസുകാരുടെ എണ്ണം ദേശീയതലത്തിൽ കുറവ് വരാനുള്ള കാരണം സ്കൂൾ തലം മുതൽ പരി​ശീലനം തുടങ്ങാത്തതാണെന്ന ബോദ്ധ്യമാണ് ഇങ്ങനൊരു സംരംഭത്തി​ന് പ്രേരി​പ്പി​ച്ചതെന്ന് റി​റ്റ്സ് അധി​കൃതർ അറി​യി​ച്ചു. ക്ലാസുകൾ ആഗസ്റ്റ് 31ന് ആരംഭിക്കും. ഫോൺ​: 8281776809, 9995763370.