പുതുക്കാട് : തൃശൂർ സി.എം.ഐ ദേവമാതാ പ്രവിശ്യാംഗവും പുതുക്കാട് കൊടിയൻ പരേതരായ ജോസ്-മേരി ദമ്പതികളുടെ മകനുമായ ഫാ. ജോയ് കൊടിയൻ സി.എം.ഐ (52) നിര്യാതനായി. സംസ്‌കാരം ഇന്ന് ഉച്ചകഴിഞ്ഞ് 2.30ന് ചാലക്കുടി കാർമ്മൽ ആശ്രമ ദേവാലയത്തിൽ. 1993 ൽ സി.എം.ഐ സന്ന്യാസസഭയിൽ ആദ്യവ്രതമനുഷ്ഠിച്ച ഫാ. ജോയ് 2002ൽ മാർ ജേക്കബ് തൂങ്കുഴിയിൽ നിന്ന് വൈദിക പട്ടം സ്വീകരിച്ചു. തലോർ, പോട്ട, പുല്ലൂർ, ചാലക്കുടി എന്നിവിടങ്ങളിലെ അദ്ധ്യാപക, ജീവകാരുണ്യ സേവനങ്ങൾക്ക് പുറമെ ദേവമാതാ പ്രവിശ്യയുടെ മഹാരാഷ്ട്രയിലെ ചാവറ മിഷ്യനിലും സേവനമനുഷ്ഠിച്ചിട്ടുണ്ട്. തൃശൂർ പോട്ടയിലെ കുര്യാക്കോസ് ഏലിയാസ് ചാവറ യു.പി.സ്‌കൂളിൽ പ്രധാനാദ്ധ്യാപകനായിരുന്നു. സഹോദരങ്ങൾ: ഉഷ, ബീന, ലത, ജോഷി, പരേതരായ രാജു, ഷാജു.