വെള്ളാങ്ങല്ലൂർ : വെള്ളാങ്ങല്ലൂർ പഞ്ചായത്ത് മുൻ പ്രസിഡന്റും മഹല്ല് ജമാഅത്ത് കമ്മിറ്റി മുൻ ചെയർമാൻ, പ്രസിഡന്റ്, സെക്രട്ടറിയുമായ മുഹമ്മദ് കായംകുളം (81) നിര്യാതനായി. കബറടക്കം നടത്തി. മൻസിലുൽ ഹുദ ഇംഗ്ലീഷ് മീഡിയം സ്‌കൂൾ സ്ഥാപകൻ, എം.ഇ.എസ് മുകുന്ദപുരം താലൂക്ക് പ്രസിഡന്റ്, അസ്മാബി കോളേജ് മാനേജിംഗ് കമ്മിറ്റി അംഗം, കൊടുങ്ങല്ലൂർ ബ്ലോക്ക് കോൺഗ്രസ് കമ്മിറ്റി ട്രഷറർ എന്നീ നിലകളിൽ പ്രവർത്തിച്ചിട്ടുണ്ട്. കാലിക്കറ്റ് യൂണിവേഴ്‌സിറ്റിയിൽ അസിസ്റ്റന്റ് രജിസ്ട്രാറായി ഔദ്യോഗിക സേവനം അനുഷ്ഠിച്ചു. ഭാര്യ: ജമീല.