തൃപ്രയാർ: സെപ്തംബർ അഞ്ചിന് തിരുവോണനാളിൽ നടക്കുന്ന തൃപ്രയാർ ജലോത്സവത്തിന് കൊടിയേറി. ആവണങ്ങാട്ട് കളരി അഡ്വ.എ.യു.രഘുരാമപ്പണിക്കർ കൊടിയേറ്റ കർമ്മം നിർവഹിച്ചു. തൃപ്രയാർ കിഴക്കേ നട സരയൂതീരത്ത് നടന്ന ചടങ്ങിൽ സംഘാടകസമിതി ചെയർമാൻ പി.എം.അഹമ്മദ് അദ്ധ്യക്ഷത വഹിച്ചു. തളിക്കുളം ബ്‌ളോക്ക് പഞ്ചായത്ത് പ്രസിഡന്റ് കെ.സി.പ്രസാദ്, താന്ന്യം പഞ്ചായത്ത് പ്രസിഡന്റ് ശുഭ സുരേഷ്, സംഘാടകസമിതി ജന. കൺവീനർ പ്രേമചന്ദ്രൻ വടക്കേടത്ത്, സെക്രട്ടറി ബെന്നി തട്ടിൽ, നാട്ടിക പഞ്ചായത്ത് വൈസ് പ്രസിഡന്റ് രജനി ബാബു, അഷറഫ്, ജൂബി പ്രദീപ്, ശ്രീകല സന്തോഷ്, ഷൈനി ബാലകൃഷ്ണൻ, ഷീജ സദാനന്ദൻ, ടി.ബി.മായ തുടങ്ങിയവർ സംസാരിച്ചു.