നെയ്യാറ്റിൻകര: നെയ്യാറ്റിൻകര ഇന്റഗ്രൽ ഡെവലപ്മെന്റ് സൊസൈറ്റി ട്രസ്റ്റ് ഫോർ റീട്ടെയിലേഴ്സ് ആൻഡ് റീട്ടെയിൽ അസോസിയേഷൻ ഒഫ് ഇന്ത്യയുടെ സഹകരണത്തോടെ ഭിന്നശേഷി കുട്ടികൾക്ക് സംഘടിപ്പിച്ച സൗജന്യ സ്വയംതൊഴിൽ പരിശീലന കോഴ്സിന്റെ സർട്ടിഫിക്കറ്റ് വിതരണം നെയ്യാറ്റിൻകര ലോഗോസ് പാസ്റ്ററൽ സെന്ററിൽ നടന്നു. സാഫല്യം അസോസിയേഷൻ പ്രസിഡന്റ് തങ്കമണി അദ്ധ്യക്ഷത വഹിച്ച യോഗം എൻ.ഐ.ഡി.എസ് ഡയറക്ടർ ഫാ.രാഹുൽ ബി.ആന്റോ ഉദ്ഘാടനം ചെയ്തു.കമ്മീഷൻ സെക്രട്ടറി ഫാ.ഡെന്നിസ് മണ്ണൂർ,ലൈവിലഹുഡ് പ്രോഗ്രാം അസിസ്റ്റന്റ് മാനേജർ ബിജു സി.സി,എൻ.ഐ.ഡി.എസ് പ്രോജക്ട് ഓഫീസർ മൈക്കിൾ, പ്രോഗ്രാം കോ ഓഡിനേറ്റർ ജയരാജ്, വിദ്യാർത്ഥിനി കുമാരി ജോത്സ്ന എന്നിവർ സംസാരിച്ചു. വിജയിച്ച എല്ലാ വിദ്യാർത്ഥികൾക്കും സർട്ടിഫിക്കറ്റ് വിതരണം ചെയ്തു.സി.ബി.ആർ കോഡിനേറ്റർ ശശികുമാർ,കവിത എന്നിവർ നേതൃത്വം നൽകി.