തിരുവനന്തപുരം:ദേശീയ സാമ്പിൾ സർവേയുടെ 75ാം വാർഷികാഘോഷങ്ങളുടെ ഭാഗമായി മാർ ഇവാനിയോസ് കോളേജിലെ ഗണിതശാസ്ത്ര വിഭാഗം ബിരുദ വിദ്യാർത്ഥികൾക്കായി ഉപന്യാസ മത്സരം സംഘടിപ്പിച്ചു. എൻ.എസ്.ഒ (സൗത്ത് സോൺ) ഡെപ്യൂട്ടി ഡയറക്ടർ ജനറൽ സജി ജോർജ് ഉദ്ഘാടനം ചെയ്തു. കോളേജ് പ്രിൻസിപ്പൽ മീര ജോർജ് അദ്ധ്യക്ഷത വഹിച്ചു. കൊല്ലം എൻ.എസ്.ഒ സബ്റീജിയണൽ അസിസ്റ്റന്റ് ഡയറക്ടർ ജോമോൻ കുഞ്ചരക്കാട്ട്, 'എൻ.എസ്.ഒ സർവേകളുടെ ഒരു അവലോകനം' എന്ന വിഷയത്തിൽ മുഖ്യപ്രഭാഷണം നടത്തി. 'നയ തീരുമാനങ്ങളിൽ എൻ.എസ്.ഒ റിപ്പോർട്ടുകളുടെ പ്രസക്തി' എന്ന വിഷയത്തിൽ കൊല്ലം സബ് റീജിയണൽ സീനിയർ സ്റ്റാറ്റിസ്റ്റിക്കൽ ഓഫീസർ ആർ.സുഭാഷ് സംസാരിച്ചു. മാർ ഇവാനിയോസ് കോളേജിലെ മുൻ പ്രിൻസിപ്പൽ ഫാ.ജിജി തോമസ്,കൊച്ചി എൻ.എസ്.ഒ റീജിയണൽ അസിസ്റ്റന്റ് ഡയറക്ടർ പി.സന്തോഷ് എന്നിവർ പങ്കെടുത്തു. അസിസ്റ്റന്റ് ഡയറക്ടർ എം.സി. സജിത്ത് നന്ദി പറഞ്ഞു.