നെയ്യാറ്റിൻകര: വിനോദസഞ്ചാര വകുപ്പിന്റെയും തദ്ദേശ സ്വയംഭരണ സ്ഥാപനങ്ങളുടെയും സഹകരണത്തോടെ കേരള സംസ്ഥാന വ്യാപാരി വ്യവസായി സമിതി നെയ്യാറ്റിൻകര ഏരിയ കമ്മിറ്റി സംഘടിപ്പിക്കുന്ന നെയ്യാർ മേളയ്ക്ക് തുടക്കം.സി.കെ.ഹരീന്ദ്രൻ എം.എൽ.എ മേള ഉദ്ഘാടനം ചെയ്തു.

3ഡി പ്ലാനറ്റോറിയം, റോബോട്ടിക് ഫെസ്റ്റ്, ഭക്ഷ്യമേള,കാർണിവൽ,പുസ്തകോത്സവം,പ്രമുഖ കലാപ്രതിഭകൾ അണിനിരക്കുന്ന കലാരാവുകൾ, പരമ്പരാഗത കലാരൂപങ്ങളുടെ അവതരണങ്ങൾ, ശാസ്ത്ര-സാങ്കേതിക പ്രദർശനങ്ങൾ തുടങ്ങിയവയാണ് മേളയുടെ ആകർഷണം.

മേള സെപ്തംബർ 14ന് സമാപിക്കും. നഗരസഭ വികസന സ്റ്റാൻഡിംഗ് കമ്മിറ്റി ചെയർമാൻ കെ.കെ.ഷിബു അദ്ധ്യക്ഷനായി. ജില്ലാ പഞ്ചായത്ത് പ്രസിഡന്റ് ഡി.സുരേഷ് കുമാർ, സമിതി ജില്ലാ സെക്രട്ടറി ആദർശ് ചന്ദൻ, സംസ്ഥാന വൈസ് പ്രസിഡന്റ് വി.പാപ്പച്ചൻ, ജനറൽ കൺവീനർ എം.ഷാനവാസ്, കൺവീനർ പി.ബാലചന്ദ്രൻ നായർ, സജിലാൽ നായർ, കെ.കെ.ശ്രീകുമാർ, മുരളീധരൻ നായർ, പുന്നക്കാട് തുളസീധരൻ, മഞ്ചവിളാകം ജയൻ, എസ്.കെ.ജയകുമാർ, കൗൺസിലർ എം.എ.സാദത്ത് തുടങ്ങിയവർ പങ്കെടുത്തു.