ആലപ്പുഴ: കാവുങ്കൽ ഗ്രാമീണയുടെ സുവർണ ജൂബിലി ആഘോഷങ്ങളുടെ ഭാഗമായി മുഹമ്മ മാവിൻ ചുവട് ജംഗഷനിൽ നിന്ന് മാരത്തൺ സംഘടിപ്പിച്ചു. സുവർണ്ണ ജൂബിലി ആഘോഷങ്ങളുടെ തുടക്കം കുറിച്ചു കൊണ്ട് ക്ലബ് രക്ഷാധികാരി എം. എം. ജോഷി പതാക ഉയർത്തി. തുടർന്ന് നടന്ന സമ്മേളനത്തിന് ക്ലബ് പ്രസിഡന്റ് ഗിരീഷ് കൊല്ലംപറമ്പൻ അദ്ധ്യക്ഷത വഹിച്ചു. ക്ലബ് സെക്രട്ടറി സോജുമോൻ സ്വാഗതം പറഞ്ഞു. കവിയും ഗാന രചയിതാവുമായ രാജീവ് ആലുങ്കൽ സാംസ്കാരിക സമ്മേളനം ഉദ്ഘാടനം ചെയ്തു. മുഖ്യാതിഥിയായി കോമഡി താരം വൈക്കം ദാസി സംസാരിച്ചു. വനിതാ ഫുട്ബാൾ ജില്ലാ പഞ്ചായത്ത് അംഗം അഡ്വ. ആർ. റിയാസ് ഉദ്ഘാടനം ചെയ്തു. ക്ലബ് ഉപദേശക സമിതി അംഗം ടി.എസ്. ശ്യാമപ്രസാദ് , ഗ്രാമീണയുടെ വനിതാ കമ്മറ്റി പ്രസിഡന്റ് ജ്യോതി എന്നിവർ സംസാരിച്ചു.