ചേർത്തല :മന്ത്രി പി.പ്രസാദിന്റെ ചേർത്തലയിലെ വസതിയിൽ നടത്തിയ കൂൺ കൃഷിയുടെ വിളവെടുപ്പ് മന്ത്രി നിർവഹിച്ചു.വീടിന്റെ മുൻവശം പ്രത്യേകം തയ്യറാക്കിയ ഷെഡിലാണ് ചിപ്പി കൂൺ കൃഷി നടത്തുന്നത്.നിലവിൽ 500 ബഡാണ് കൃഷി ചെയ്തത്.മികച്ച വിളവാണ് ലഭിച്ചത്.നഗരസഭ ചെയർപേഴ്സൺ ഷേർളി ഭാർഗവൻ,ജില്ലാ പഞ്ചായത്ത് വൈസ് പ്രസിഡന്റ് എൻ.എസ്.ശിവപ്രസാദ്,നഗരസഭ വൈസ് ചെയർമാൻ ടി.എസ്.അജയകുമാർ, ഗ്രാമപഞ്ചായത്ത് പ്രസിഡന്റുമാരായ ഗീതാ കാർത്തികേയൻ,ജി.ശശികല,ഓമന ബാനർജി,ജയിംസ് ചിങ്കുതറ, നഗരസഭ സ്റ്റാൻഡിംഗ് കമ്മറ്റി ചെയർപേഴ്സൺ ശോഭ ജോഷി,വയലാർ ഗ്രാമപഞ്ചായത്ത് വൈസ് പ്രസിഡന്റ് എം.ജി.നായർ,കുടുംബശ്രീ മിഷൻ ഡയറക്ടർ ജില്ലാ കോ–ഓർഡിനേറ്റർ രഞ്ജിത്ത്,കെ.വി.ചന്ദ്ര ബാബു,എ.പി പ്രകാശൻ തുടങ്ങിയവർ പങ്കെടുത്തു.

# കൂൺ കൃഷി വ്യാപിപ്പിക്കുവാൻ കൂടുതൽ കൂൺ ഗ്രാമങ്ങൾ ആരംഭിക്കും

സംസ്ഥാനത്ത് കൂൺ കൃഷി വ്യാപിപ്പിക്കുവാൻ കൂൺ ഗ്രാമങ്ങൾ ആരംഭിച്ചതായും കൂൺ കൃഷി പ്രോത്സാഹിപ്പിക്കുവാൻ സർക്കാർ സബ്സിഡി നൽകുമെന്നും മന്ത്രി പറഞ്ഞു. ലോക വിപണിയിൽ നമ്മൾ ഉത്പാദിപ്പിക്കുന്ന കുണും ഉത്പനങ്ങളും എത്തിക്കും.ഹിമാചൽ പ്രദേശിലെ സോണലിൽ ആദ്യം അഞ്ച് കർഷകരെ അയച്ച് പരിശിലനം നേടിയ ശേഷമാണ് കേരളത്തിൽ കൂൺ ഗ്രാമങ്ങൾ ആരംഭിച്ചത്.അടുത്ത സംഘത്തെ അയക്കുവാൻ തയ്യാറായപ്പോൾ ഹിമാചലിൽ കലാവസ്ഥ വ്യതിയാനം സംഭവിച്ചത് പ്രതിസന്ധി സൃഷ്ടിച്ചു.മന്ത്രിയുടെ വീട്ടിൽ ഉത്പാദിപ്പിക്കുന്ന കൂൺ പ്രാദേശിക വിപണിയിലാണ് വിറ്റ് അഴിക്കുന്നത്.