കുട്ടനാട് : വെളിയനാട് ബ്ലോക്ക് പഞ്ചായത്ത് ഓഫീസിന് തൊട്ടുമുന്നിലായുള്ള മാമ്പുഴക്കരി സെന്റ് ജോർജ് കുരിശ്ശടി റോഡ് സഞ്ചാരയോഗ്യമാക്കി​ ജനകീയസമി​തി​. 2018ലെ പ്രളയത്തെ തുടർന്ന് തകർന്ന് തരിപ്പണമായ റോഡ് സഞ്ചാരയോഗ്യമാക്കണമെന്നാവശ്യപ്പെട്ട് ഗ്രാമപഞ്ചായത്ത് മുതൽ ജില്ലാപഞ്ചായത്ത് വരെയുള്ള അധികൃതർക്ക് നാട്ടുകാർ പലതവണ നിവേദനം നല്കിയെങ്കി​ലും പ്രയോജനം ഉണ്ടാകാതി​രുന്നതി​നെത്തുടർന്നാണ് ജനകീയ സമി​തി​ മുന്നി​ട്ടി​റങ്ങി​യത്.

ഒരു മാസം മുമ്പുണ്ടായ വെള്ളപ്പൊക്കത്തിൽ ഇവിടെ മുട്ടിന് മുകളിലേക്ക് വരെ വെള്ളംനിറഞ്ഞതോടെ സഞ്ചാരം തടസ്സപ്പെട്ടി​രുന്നു. നിരവധി അപകടങ്ങളാണ് ഈ സമയം ഇവിടെ ഉണ്ടായത്. സഹികെട്ട നാട്ടുകാർ കഴിഞ്ഞ ദിവസം ജനകീയസമിതിയുടെ നേതൃത്വത്തിൽ സംഘടിച്ച് രംഗത്തെത്തി​യതോടെ നിമിഷ വേഗത്തിൽ റോഡ് സഞ്ചാരയോഗ്യമാവുകയായിരുന്നു. ജനകീയസമിതി പ്രവർത്തകരായ സുനിൽ ഏഴരയിൽ, സാംകുട്ടി, സെബാസ്റ്റ്യൻ പടിഞ്ഞാറേക്കളം, സൈനോ മൂക്കോടി, എം. എ സജി തുടങ്ങിയവർ നേതൃത്വംനൽകി​.

കുടിവെള്ള പ്രശ്നത്തിനും പരിഹാരം

1. റോഡ് നിർമ്മാണത്തിനായി ഒറ്റദിവസത്തിൽ പ്രദേശത്ത് നിന്ന് സമാഹരി​ച്ചത് 1,60,000 രൂപ

2. ജെ.സി.ബി ഉപയോഗിച്ച് റോഡ് നിരപ്പാക്കി ഗ്രാവിലിട്ട് റോഡ് ഉയ‌ർത്തി

3. നാളുകളായി പൊട്ടി​ക്കി​ടന്ന വാട്ടർ അതോറിറ്റിയുടെ പൈപ്പും ഇതോടൊപ്പം നന്നാക്കി​

4. ഇതോടെ നാട്ടിലെ കുടിവെള്ളക്ഷാമത്തിനും പരിഹാരമായി​

നൂറ് കണക്കിന് കുടുംബങ്ങളാണ് കുടിവെള്ളം കിട്ടാതെ ഇവിടെ ബുദ്ധിമുട്ടിയിരുന്നത്. സ്വകാര്യ ഏജൻസികളിൽ നിന്ന് ഓരോ ആഴ്ചയും നൂറുകണക്കിന് രൂപ നല്കിയാണ് വെള്ളം ശേഖരിച്ചു വന്നിരുന്നത്. എല്ലാവരും ചേർന്നതോടെ റോഡിനൊപ്പം കുടിവെള്ള പ്രശ്നത്തിനും പരിഹാരമായി

- പ്രദേശവാസികൾ