ചേർത്തല: മുട്ടം ഹോളി ഫാമിലി ഹയർ സെക്കൻഡറി സ്‌കൂളിലെ എച്ച്.എസ്
വിഭാഗം സുവർണ ജൂബിലി ആഘോഷങ്ങൾക്ക് തുടക്കമായി. ഹൈസ്‌കൂൾ വിഭാഗം സ്ഥാപിതമായതിന്റെ അൻപതാം വാർഷികത്തോടനുബന്ധിച്ച് ഒരു വർഷം നീളുന്ന പരിപാടികളാണ് ഒരുക്കിയിട്ടുള്ളത്.മുൻ ഡി.ജി.പി ഹോർമിസ് തരകൻ ജൂബിലിയാഘോഷം ഉദ്ഘാടനം ചെയ്തു. സ്‌കൂൾ മാനേജർ ഫാ.ജോഷി വേഴപ്പറമ്പിൽ അദ്ധ്യക്ഷതവഹിച്ചു.എറണാകുളം അങ്കമാലി വികാരി ജനറാൾ റവ.ഡോ.ആന്റോ ചേരാംതുരുത്തി അനുഗ്രഹ പ്രഭാഷണം നടത്തി.ഗാനരചയിതാവ്
അജീഷ് ദാസൻ ജൂബിലി ലോഗോ മത്സര വിജയികൾക്ക് സമ്മാനദാനം നിർവഹിച്ചു.നഗരസഭ ചെയർപേഴ്സൺ ഷേർളി ഭാർഗവൻ,വാർഡ് കൗൺ സിലർ മിത്ര വൃന്ദാഭായ്,പി.ടി.എ പ്രസിഡന്റ് അഡ്വ.ജാക്സൺ മാത്യു, മുൻ പ്രഥമാദ്ധ്യാപകൻ ജോയ് സെബാസ്റ്റ്യൻ,പ്രിൻസിപ്പൽ ലിസ കുര്യൻ, ഹെഡ്മിസ്ട്രസ് എം.മിനി, ജൂബിലി ആഘോഷ കമ്മിറ്റി ജനറൽ കൺവീനർ ബിന്ദു ജോസഫ്,ജോയിന്റ് കൺവീനർ സാജു തോമസ്,ഫിനാൻസ് കമ്മിറ്റി കൺവീനർ വി.ശ്രീഹരി, സ്റ്റാഫ് സെക്രട്ടറി എം.ടി. ജോസഫ് എന്നിവർ സംസാരിച്ചു.