ഹരിപ്പാട്: മുതുകുളം ഗ്രാമപഞ്ചായത്ത് കേരളോത്സവം ഗ്രാമപഞ്ചായത്ത് പ്രസിഡന്റ് കെ.വി.ജ്യോതിപ്രഭ ഉദ്ഘാടനം ചെയ്തു. വൈസ് പ്രസിഡന്റ് ജി.ലാൽമാളവ്യ അദ്ധ്യക്ഷനായി. ഗ്രാമപഞ്ചായത്ത് സ്റ്റാന്റിംഗ് കമ്മിറ്റി ചെയർപേഴ്സൺമാരായ മഞ്ജു അനിൽകുമാർ, സബിത വിനോദ്, ഗ്രാമ പഞ്ചായത്തംഗങ്ങളായ ശുഭാ ഗോപകുമാർ, എസ്.ഷീജ, കെ.ശ്രീലത, പി.ബിന്ദു, സി.വി.ശ്രീജ, എ.സുനത, സെക്രട്ടറി എൻ.അനിൽകുമാർ എന്നിവർ സംസാരിച്ചു. ഉദ്ഘാടന സമ്മേളനത്തിന് മുന്നോടിയായി മുതുകുളം ഹൈസ്കൂൾ ജംഗ്ഷനിൽ നിന്നും വിളംബരജാഥയും നടന്നു. കലാമത്സരങ്ങൾ നമ്പാട്ടുമുന്നില എൻ.എസ്.എസ് കരയോഗ ഓഡിറ്റോറിയത്തിലും കായിക മത്സരങ്ങൾ ചേപ്പാട് എൻ.ടി.പി.സി ഗ്രൗണ്ട്, ജനശക്തി പബ്ലിക് സ്കൂൾ, കൊളീസിയം ടർഫ് എന്നിവിടങ്ങളിലുമാണ് നടക്കുന്നത്. ഇന്ന് വൈകിട്ട് 3 ന് മുതുകുളം ഗ്രാമ പഞ്ചായത്ത് കോൺഫറൻസ് ഹാളിൽ നടക്കുന്ന സമാപന സമ്മേളന ഉദ്ഘാടനവും സമ്മാദാനവും മുതുകുളം ബ്ലോക്ക് പഞ്ചായത്ത് പ്രസിഡന്റ് ഡി.അംബുജാക്ഷി നിർവഹിക്കും. മുതുകുളം ഗ്രാമ പഞ്ചായത്ത് പ്രസിഡന്റ് കെ.വി.ജ്യോതിപ്രഭ അദ്ധ്യക്ഷത വഹിക്കും.