ആലപ്പുഴ: തൃക്കുന്നപ്പുഴ ഗവ.എൽ.പി സ്‌കൂളിൽ മുണ്ടിനീര് രോഗം സ്ഥിരീകരിച്ചതിനാലും ചെറിയ കുട്ടികളിലെ അസുഖ വ്യാപന സാദ്ധ്യത കണക്കിലെടുത്തും ഇന്ന് മുതൽ 21 ദിവസം സ്കൂളിന് അവധി അനുവദിച്ച് ജില്ലാ കളക്ടർ ഉത്തരവായി. വിദ്യാലയങ്ങളിൽ മുണ്ടിനീര് പടർന്നു പിടിക്കാതിരിക്കാനുള്ള മുൻകരുതൽ നടപടികൾ ആരോഗ്യ തദ്ദേശ സ്വയം ഭരണ വകുപ്പുമായി ചേർന്ന് നടത്തണമെന്ന് ജില്ലാ കളക്ടർ നിർദ്ദേശിച്ചു.