ചെങ്ങന്നൂർ: എസ്.എൻ.ഡി.പി.യോഗം 4745ാം നമ്പർ പിരളശേരി ശാഖയുടെയും തിരുവല്ല ഐ മൈക്രോസർജറി ആൻഡ് ലേസർ സെന്റർ കണ്ണാശുപത്രിയുടെയും സംയുക്താഭിമുഖ്യത്തിൽ നടന്ന സൗജന്യ നേത്ര ചികിത്സാക്യാമ്പ് ചെങ്ങന്നൂർ യൂണിയൻ അഡ്മിനിസ്‌ട്രേറ്റർ സുരേഷ് പരമേശ്വരൻ ഉദ്ഘാടനം ചെയ്തു. യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗം പി.ഡി.ഷാജി അദ്ധ്യക്ഷത വഹിച്ചു. ചെങ്ങന്നൂർ ബ്ലോക്ക് പഞ്ചായത്ത് മെമ്പർ ബീന ചിറമേൽ, മുളക്കുഴ ഗ്രാമപഞ്ചായത്ത് 2ാം വാർഡ് മെമ്പർ സാലി, മുളക്കുഴ ഗ്രാമപഞ്ചായത്ത് 18ാം വാർഡ് മെമ്പർ ബിനു, ക്യാമ്പ് കോഓർഡിനേറ്റർ ശ്രീജിത്ത് ബി. എന്നിവർ സംസാരിച്ചു.