ആലപ്പുഴ: പോസ്​കോ കേസിൽ പ്രതിക്ക്​ അഞ്ച്​ വർഷം തടവും 30,000 രൂപ പിഴയും ശിക്ഷ വിധിച്ചു. കരുമാടി രേഷ്മ നിവാസിൽ രമേശനെയാണ്​ (52) ജില്ല പോക്സോ കോടതി ജഡ്ജി റോയി വർഗീസ് ശിക്ഷിച്ചത്​. 2022ലാണ്​ കേസിനാസ്പദമായ സംഭവം. പുന്നമടക്കായിൽ ഹൗസ് ബോട്ടിൽ കുടുംബ സമേതം ഉല്ലാസ യാത്രക്ക് വന്ന ഒമ്പതുവയസ്സുകാരിയോടാണ്​ ഹൗസ് ബോട്ട് താൽകാലിക കുക്കായി എത്തിയ ​പ്രതി ലൈംഗിക അതിക്രമം കാട്ടിയത്​. ആലപ്പുഴ നോർത്ത്​ പൊലീസ്​ അന്വേഷണം നടത്തി കോടതിയിൽ കുറ്റപത്രം സമർപ്പിച്ചു. പ്രോസിക്യൂഷന് വേണ്ടി അഡീഷനൽ പബ്ലിക് പ്രോസിക്യൂട്ടൻ അംബിക കൃഷ്ണൻ ഹാജരായി.