മാന്നാർ: പരുമല ദേവസ്വം ബോർഡ് ഹയർസെക്കൻഡറി സ്കൂൾ യുവജനോത്സവം 'കളിയാട്ടം 2025' സിനിമാതാരം അരിസ്റ്റോ സുരേഷ് ഉദ്ഘാടനം ചെയ്തു. സംസ്ഥാന സ്കൂൾ പ്രവേശന ഉത്സവ ഗാനരചയിതാവ് കുമാരി ഭദ്ര ഹരി മുഖ്യാതിഥിയായി. പി.ടി.എ പ്രസിഡന്റ് ടി.ജെ സലിം അദ്ധ്യക്ഷത വഹിച്ചു. എം.പി.ടി.എ പ്രസിഡന്റ് രശ്മി കെ.ആർ, പി.ടി.എ വൈസ് പ്രസിഡന്റ് സ്വപ്ന ഹരി എന്നിവർ സംസാരിച്ചു. കവിയും അദ്ധ്യാപകനുമായ സുമേഷ് കൃഷ്ണൻ ആമുഖ പ്രഭാഷണം നടത്തി. ജീവകാരുണ്യ പ്രവർത്തകനും മാദ്ധ്യമപ്രവർത്തകനുമായ അൻഷാദ് മാന്നാറിനെ ചടങ്ങിൽ ആദരിച്ചു. സ്കൂൾ ഹെഡ്മിസ്ട്രസ് മിനി.കെ സ്വാഗതവും സ്റ്റാഫ് സെക്രട്ടറി സുസ്മിത ആർ.നായർ നന്ദിയും പറഞ്ഞു.