മാവേലിക്കര: കേരള വ്യാപാരി വ്യവസായി ഏകോപന സമിതി മാവേലിക്കര ടൗൺ യൂണിറ്റിന്റെ കുടുംബ സംഗമവും ഓണാഘോഷവും മാവേലിക്കര കോപ്പറേറ്റീവ് ഓഡിറ്റോറിയത്തിൽ നടന്നു. കേരളാ വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് രാജു അപ്സര സമ്മേളനം ഉദ്ഘാടനം ചെയ്തു. യൂണിറ്റ് പ്രസിഡന്റ് ജോസഫ് ജോൺ മിന്റ് അദ്ധ്യക്ഷനായി. ജനറൽ സെക്രട്ടറി എ.നന്ദകുമാർ സ്വാഗതം പറഞ്ഞു. എം.എസ്.അരുൺകുമാർ എം.എൽ.എ മുഖ്യാതിഥിയായിരിന്നു. മുൻ ഡി.ജി. പി ഡോ.അലക്സാണ്ടർ ജേക്കബ് മുഖ്യപ്രഭാഷണം നടത്തി. ചടങ്ങിൽ മാവേലിക്കര മുനിസിപ്പൽ ചെയർമാൻ നൈനാൻ.സി.കുറ്റിശേരിയെ ആദരിച്ചു. തുടർന്ന് അംഗങ്ങളുടേയും കുടുംബാംഗങ്ങളുടേയും കലാപരിപാടികൾ, ഓണസദ്യ, മെഗാ നറുക്കെടുപ്പ് എന്നിവയും നടന്നു. ഭാരവാഹികളായ ട്രഷറർ എസ്.ജലീൽ, സ്വാഗതസംഘം കൺവീനർമാരായ ജനാർദ്ദനൻ അയ്യപ്പാസ്, ജോൺസൺ ചിറ്റിലപ്പള്ളി, പുഷ്പാകരൻ സൗപർണ്ണിക, സനൂപ് സ്വപ്ന, ജി.ദിലീപ് എന്നിവർ സംസാരിച്ചു.