ന്യൂഡൽഹി: മ്യാൻമറിലും ഇന്ത്യയുടെ വടക്കുകിഴക്കൻ സംസ്ഥാനങ്ങളിലും ഭൂചലനം അനുഭവപ്പെട്ടു. മ്യാൻമറിലെ ഇന്ത്യൻ അതിർത്തിയോട് ചേർന്ന് ഇന്നലെ രാവിലെ 6.10നാണ് 4.7 തീവ്രത രേഖപ്പെടുത്തിയ ഭൂചലനമുണ്ടായത്. അസം, മണിപ്പൂർ, നാഗാലാൻഡ്, സംസ്ഥാനങ്ങളുടെ പല ഭാഗങ്ങളിലും പ്രകമ്പനം അനുഭവപ്പെട്ടു. ആളപായമോ നാശനഷ്ടങ്ങളോ ഉണ്ടായതായി റിപ്പോർട്ടില്ല. മണിപ്പൂരിലെ ഉഖ്‌റുലിൽ നിന്ന് 27 കിലോമീറ്റർ തെക്കുകിഴക്കാണ് മ്യാൻമറിലെ ഭൂചലനത്തിന്റെ പ്രഭവകേന്ദ്രം. ഭൂതലത്തിൽ നിന്ന് 15 കിലോമീറ്റർ ആഴത്തിലാണ് ഭൂകമ്പത്തിന്റെ പ്രഭവകേന്ദ്രമെന്ന് നാഷണൽ സെന്റർ ഫോർ സീസ്‌മോളജി അറിയിച്ചു.