കൂത്താട്ടുകുളം: എസ്.എൻ.ഡി.പി യോഗം കൂത്താട്ടുകുളം 224 -ാം നമ്പർ ശാഖയുടെ നേതൃത്വത്തിൽ ശ്രീനാരായണ ഗുരുദേവന്റെ 171-ാം ജയന്തി വിപുലമായി ആഘോഷിക്കും. ജയന്തിദിനമായ 7ന് ഗുരുപൂജ,​ സമൂഹ പ്രാർത്ഥന,​ ചതയ ഘോഷയാത്ര,​ ചതയ സദ്യ എന്നിവ നടക്കും. വർണാഭമായ രഥ ഘോഷയാത്ര ടാക്‌സി സ്റ്റാൻഡിൽ നിന്ന് (ദേവാ മാധ ജംഗ്ഷൻ) ആരംഭിക്കും. എസ്.എൻ.ഡി.പി യോഗം കൂത്താട്ടുകുളം യൂണിയൻ പ്രസിഡന്റ് പി.ജി. ഗോപിനാഥ് ഉദ്ഘാടനം ചെയ്യും. യൂണിയൻ സെക്രട്ടറി സി.പി. സത്യൻ ഫ്‌ളാഗ് ഓഫ് ചെയ്യും. വൈസ് പ്രസിഡന്റ് പി.കെ. അജ്മാൻ ചതയദിന സന്ദേശം നൽകും. ശാഖാ ഭരണസമിതി അംഗങ്ങൾ,​ വനിതാ സംഘം,​ യൂത്ത് മൂവ്‌മെന്റ് ഭാരവാഹികൾ എന്നിവർ നേതൃത്വം നൽകും. കൂത്താട്ടുകുളം സെൻട്രൽ ജംഗ്ഷൻ,​ രാമപുരം കവല വഴി ക്ഷേത്രത്തിലെത്തി ഘോഷയാത്ര സമാപിക്കും.