കൊച്ചി: എറണാകുളം വൈ.എം.സി.എയും വൈസ്‌മെൻ ഇന്റർനാഷണൽ മിഡ് വെസ്റ്റ് ഇന്ത്യ റീജിയൻ ഡിസ്ട്രിക്ട് 2ഉം സംയുക്ത കുടുംബസംഗമവും ഓണാഘോഷവും സംഘടിപ്പിച്ചു. ബാലസാഹിത്യകാരൻ സിപ്പി പള്ളിപ്പുറം, ഉദ്ഘാടനം ചെയ്തു. എറണാകുളം വൈ.എം.സി.എ പ്രസിഡന്റ് മാത്യു മുണ്ടാട്ട് അദ്ധ്യക്ഷനായി. വൈസ്‌മെൻ ഇന്റർനാഷണൽ മിഡ് വെസ്റ്റ് ഇന്ത്യ റീജിയൻ ഡിസ്ട്രിക്ട് ഗവർണർ മിജു ജോസ് നെറ്റിക്കാടൻ മുഖ്യാതിഥിയായിരുന്നു. ചലച്ചിത്രതാരം നരേൻ കലാമത്സര വിജയികൾക്ക് സമ്മാനം വിതരണം ചെയ്തു. സി.എ. ഷോൺ ജെഫ് ക്രിസ്റ്റഫർ, റജി എ. ജോർജ്, മാത്യൂസ് എബ്രഹാം, ആന്റോ ജോസഫ് എന്നിവർ സംസാരിച്ചു.