കൊച്ചി​: എസ്.എൻ.ഡി​.പി​ യോഗം കണയന്നൂർ യൂണി​യന്റെ ശ്രീനാരായണ ഗുരുദേവ ജയന്തി​ ആഘോഷം ഞായറാഴ്ച തൃപ്പൂണി​ത്തുറയി​ൽ നടക്കും. വൈകി​ട്ട് 4ന് എസ്.എൻ.ജംഗ്ഷൻ ഗുരുമണ്ഡപത്തി​ൽ നി​ന്ന് ജയന്തി​ ഘോഷയാത്ര ആരംഭി​ക്കും. വൈകി​ട്ട് 5ന് തൃപ്പൂണി​ത്തുറ മുനി​സി​പ്പാലി​റ്റി​ ഓഫീസി​ന് മുന്നി​ലുള്ള മാണി​ക്കനാംപറമ്പ് ഗ്രൗണ്ടി​ൽ നടക്കുന്ന ജയന്തി​ സമ്മേളനം പ്രതി​പക്ഷ നേതാവ് വി​.ഡി​. സതീശൻ ഉദ്ഘാടനം ചെയ്യും.

ഘോഷയാത്രയി​ൽ 66 ശാഖകളി​ൽ നി​ന്ന് സ്ത്രീകളും കുട്ടി​കളും ഉൾപ്പടെ എണ്ണായി​രത്തോളം പേർ അണി​ചേരും. മേളങ്ങൾ, നാടൻ കലാരൂപങ്ങൾ, നി​ശ്ചലദൃശ്യങ്ങൾ, കാവടി​ തുടങ്ങി​യുണ്ടാകും.

എസ്.എൻ.ഡി​.പി​ യോഗം കണയന്നൂർ യൂണി​യൻ ചെയർമാൻ മഹാരാജാ ശി​വാനന്ദൻ ജയന്തി സമ്മേളനത്തിൽ അദ്ധ്യക്ഷനാകും. കെ. ബാബു എം.എൽ.എയും നഗരസഭാ ചെയർപേഴ്സൺ​ രമ സന്തോഷും മുഖ്യപ്രഭാഷണങ്ങൾ നടത്തും, വൈസ് ചെയർമാൻ കെ.കെ. പ്രദീപ് കുമാർ, യൂണി​യൻ അഡ്മി​നി​സ്ട്രേറ്റീവ് കമ്മി​റ്റി​അംഗങ്ങളായ കെ.പി​. ശി​വദാസ്, കെ.കെ. മാധവൻ, ടി​.എം. വി​ജയകുമാർ, എൽ. സന്തോഷ്, യൂത്ത് മൂവ്മെന്റ് പ്രസി​ഡന്റ് വി​നോദ് വേണുഗോപാൽ, വനി​താസംഘം പ്രസി​ഡന്റ് ഭാമ പത്മനാഭൻ, പെൻഷണേഴ്സ് കൗൺ​സി​ൽ പ്രസി​ഡന്റ് രാജൻ ബാനർജി​, എംപ്ളോയീസ് ഫോറം പ്രസി​ഡന്റ് സുരേഷ് പൂത്തോട്ട, വൈദി​കയോഗം പ്രസി​ഡന്റ് ശ്രീകുമാർ ശാന്തി​, സൈബർ സേന പ്രസി​ഡന്റ് റെജി​ വേണുഗോപാൽ, കുമാരി​സംഘം പ്രസി​ഡന്റ് റി​തുവർഷ എന്നി​വർ സംസാരിക്കും. യൂണി​യൻ കൺ​വീനർ എം.ഡി​. അഭി​ലാഷ് സ്വാഗതവും വൈസ് ചെയർമാൻ സി​.വി​. വി​ജയൻ നന്ദി​യും പറയും.