കോതമംഗലം : കോതമംഗലംവാരപ്പെട്ടി റോഡിൽ കോഴിപ്പിള്ളിയിൽ മരം വീണ് ഗതാഗതം തടസപ്പെട്ടു. ഇന്നലെ രാവിലെ ഉണ്ടായ ശക്തമായ കാറ്റിലാണ് മരം റോഡിലേക്ക് വീണത്. സ്വകാര്യവ്യക്തിയുടെ പറമ്പിലെ വലിയ മാവാണ് കടപുഴകി വീണത്. റോഡിൽ വാഹനങ്ങൾ ഇല്ലാതിരുന്നതിനാൽ വൻ അപകടം ഒഴിവായി. ഫയർഫോഴ്‌സ് എത്തിയാണ് മരം മുറിച്ച് നീക്കിയത്. ഒരു മണിക്കൂറോളം ഇതുവഴിയുള്ള ഗതഗാതം തടസപ്പെട്ടിരുന്നു. വൈദ്യുത പോസ്റ്റും തകർന്നു.