തലയോലപ്പറമ്പ്: എസ്. എൻ.ഡി.പി യോഗം കെ.ആർ. നാരായണൻ തലയോലപ്പറമ്പ് യൂണിയന്റെ നേതൃത്വത്തിൽ 30 ശാഖകളുംചേർന്ന് സംയുക്തമായി തലയോലപ്പറമ്പിൽ നടത്തുന്ന 171-ാ മത് ഗുരുജയന്തി ആഘോഷങ്ങളുടെ മുന്നോടിയായി യൂത്ത് മുവ്മെന്റ് യൂണിയൻ പ്രസിഡന്റ് ഗൗതം സുരേഷ്ബാബു വിന്റെ നേതൃത്തിൽ നടത്തിയ വാഹന പ്രചാരണ വിളംബര ജാഥ യൂണിയൻ സെക്രട്ടറി എസ്. ഡി. സുരേഷ് ബാബു ഫ്ലാഗ് ഓഫ് ചെയ്തു. യൂണിയൻ വൈസ് പ്രസിഡന്റ് രഞ്ജിത് രാജപ്പൻ അദ്ധ്യക്ഷത വഹിച്ചു. അഭിലാഷ് രാമൻകുട്ടി, യു. എസ്. പ്രസന്നൻ, രഞ്ജു പവിത്രൻ, സനൽകുമാർ, ബിജു അശോക്, എ. എസ്. മനീഷ്, ഷിബു മലയിൽ, എസ്.ഡി. ദിനേശ്, ധന്യ പുരുഷോത്തമൻ, അമ്പിളി ബിജു, വത്സ മോഹനൻ, രാജി ദേവരാജൻ എന്നിവർ നേതൃത്വം നൽകി. നൂറോളം വാഹനങ്ങളുടെ അകമ്പടിയോടെ എല്ലാ ശാഖകളും സന്ദർശിച്ചു ശേഷം വടകര ധർമ ശാസ്താ ക്ഷേത്ര അങ്കണത്തിൽ ചേർന്ന സമാപന സമ്മേളനം സമ്മേളനം യൂണിയൻ പ്രസിഡന്റ് ഇ. ഡി. പ്രകാശൻ ഉദ്ഘാടനം ചെയ്തു.