കാലടി: ശ്രീനാരായണ ഗുരുദേവ ജയന്തി ദിനത്തിൽ എസ്.എൻ.ഡി.പി യോഗം ശാഖകളുടെ നേതൃത്വത്തിൽ കാലടിയും പരിസര പ്രദേശങ്ങളും പീത പതാകളാൽ നിറഞ്ഞു.

മലയാറ്റൂർ ഈസ്റ്റ് 1793 -ാം നമ്പർ ശാഖയിൽ ഘോഷയാത്ര, കലാ മത്സരങ്ങൾ എന്നിവ നടന്നു. ജയന്തി സമ്മേളനത്തിൽ പ്രസിഡന്റ് എം.പി. വിനയകുമാർ അദ്ധ്യക്ഷനായി. റോജി എം. ജോൺ എം.എൽ.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജോയ് അവോക്കാരൻ മുഖ്യാതിഥിയായി.

മലയാറ്റൂർ വെസ്റ്റ് 1729-ാം നമ്പർ ശാഖയിൽ ഗുരു പൂജയ്ക്ക് ശേഷം കുട്ടികളും വനിതകളും ഉൾപ്പെടെയുള്ളവരുടെ കലാ കായിക മത്സരങ്ങൾ സംഘടിപ്പിച്ചു. കുന്നത്തുനാട് യൂണിയൻ കൗൺസിലർ ബിജു വിശ്വനാഥൻ ജയന്തി പരിപാടിയിൽ പങ്കെടുത്തു. സെക്രട്ടറി എം.കെ. ഗിരീഷ് നേതൃത്വം നൽകി.

നീലീശ്വരം ഈസ്റ്റ് 858 -ാം നമ്പർ ശാഖയിൽ ജയന്തി ഘോഷയാത്ര, ആദരിയ്ക്കൽ, സമ്മാനദാനം എന്നിവ സംഘടിപ്പിച്ചു. ജയന്തി ദിന സമ്മേളനം കുന്നത്തുനാട് യൂണിയൻ ചെയർമാൻ കെ.കെ. കർണൻ ഉദ്ഘാടനം ചെയ്തു. ശാഖാ പ്രസിഡന്റ് പി.എൻ. സോമൻ അദ്ധ്യക്ഷനായി. സെക്രട്ടറി ടി.ആർ. ബാബു നേതൃത്വം നൽകി.

മഞ്ഞപ്ര സൗത്ത് 878 -ാം നമ്പർ ശാഖയിൽ രാവിലെ മുതൽ വിവിധ മത്സരങ്ങൾ സംഘടിപ്പിച്ചു. പ്രസിഡന്റ് പി.എ. സത്യൻ മറ്റു ഭാരവാഹികൾ എന്നിവർ നേതൃത്വം നൽകി.

കാലടി 855 -ാം നമ്പർ ശാഖ സംഘടിപ്പിച്ച ജയന്തി സമ്മേളനം കെ.കെ. കർണൻ ഉദ്ഘാടനം ചെയ്തു. പ്രസിഡന്റ് കെ.കെ. ഷൈജു അദ്ധ്യക്ഷനായി. ശാഖാ യോഗം വൈസ് പ്രസിഡന്റ് എൻ.പി. ചന്ദ്രൻ ഗുരു സന്ദേശം നൽകി. സെക്രട്ടറി സുകുമാരൻ ജയന്തി ഘോഷയാത്രയ്ക്ക് നേതൃത്വം നൽകി.

പാറപ്പുറം 1759 -ാം നമ്പർ ശാഖയിൽ ഘോഷയാത്രയും ജയന്തി സമ്മേളനവും നടന്നു. പ്രസിഡന്റ് ടി.എസ്. മോഹനൻ അദ്ധ്യക്ഷനായി. യൂണിയൻ കൗൺസിലർ ടി.എസ്. ജയൻ ഉദ്ഘാടനം ചെയ്തു.

ഇല്ലിത്തോട് 3209-ാം നമ്പർ ശാഖാ യോഗത്തിൽ പ്രസിഡന്റ് ശശികുമാർ, വൈസ് പ്രസിഡന്റ് ഹരിഹരൻ എന്നിവരുടെ നേതൃത്വത്തിൽ ജയന്തി ഘോഷയാത്ര സംഘടിപ്പിച്ചു.