കൊച്ചി: ബാങ്കോക്കിൽ ബുധനാഴ്ച മുതൽ നടക്കുന്ന ജോൺ തോംസൺ ഫെലോഷിപ്പ് ലോക അദ്ധ്യാപക സമ്മേളനത്തിൽ കൊച്ചി സ്വദേശിനിയായ പാൻസി ഫ്രാൻസിസും പങ്കെടുക്കും. പൊന്നുരുന്നി സി.കെ.സി ഹൈസ്‌കൂൾ ഫിസിക്കൽ സയൻസ് അദ്ധ്യാപികയാണ്.

കെ.പി.എസ്.ടി.എ എറണാകുളം വിദ്യാഭ്യാസ ജില്ലാ പ്രസിഡന്റായ പാൻസി, ഓൾ ഇന്ത്യ പ്രൈമറി ടീച്ചേഴ്‌സ് ഫെഡറേഷന്റെ പ്രതിനിധിയായാണ് സമ്മേളനത്തിൽ പങ്കെടുക്കുന്നത്. ഇടക്കൊച്ചി തറേപറമ്പിൽ ജോസ് മനോജിന്റെ ഭാര്യയാണ് പാൻസി.