പെരുമ്പാവൂർ: വഴിയാത്രക്കാർക്ക് കൗതുകക്കാഴ്ചയും സുഗന്ധവുമേകി റോഡ്‌ പുറമ്പോക്കിൽ ഒരു ജമന്തിപ്പൂന്തോട്ടം. പെരുമ്പാവൂർ -പൂപ്പാനി റോഡിൽ പാറ വായനശാല കവലയിലാണ് നിറവൈവിദ്ധ്യങ്ങളിൽ ജമന്തികൾ വിരിഞ്ഞു നിൽക്കുന്നത്. നഗരസഭയുടെ ഒമ്പതാം വാർഡിൽ 'ഭൂമി ഹരിതാഭം, മണ്ണും മനവും സുഗന്ധം; സുഗന്ധപൂരിതമന്തരംഗം' എന്ന മുദ്രാവാക്യവുമായി ഇക്കഴിഞ്ഞ ജൂലായ് 9ന് നഗരസഭ ചെയർമാൻ പോൾ പാത്തിയ്ക്കൽ ഔഷധ-ഫലവൃക്ഷ തൈകളുടെ വിതരണോദ്‌ഘാടനം നിർവ്വഹിച്ചിരുന്നു. റോഡ്‌ പുറമ്പോക്കിലെ ബന്തിത്തോട്ടത്തിന് ചുറ്റും സംരക്ഷണവല കെട്ടി വേലി സ്ഥാപിച്ചിരിക്കുകയാണ് പ്രദേശവാസികൾ.