മൂവാറ്റുപുഴ: ചക്ര കസേരയിൽ ജീവിതം നയിക്കുന്ന സഹോദരങ്ങളുടെ സംഘടനയായ ഫ്രീഡം ഓൺ വീൽ പാരാ പ്ലീജിക് അസോസിയേഷന്റെ ആഭിമുഖ്യത്തിൽ തണലോണം എന്ന പേരിൽ ഓണാഘോഷ പരിപാടികൾ സംഘടിപ്പിച്ചു. കോട്ടയം,​ ഇടുക്കി,​ എറണാകുളം,​ ആലപ്പുഴ,​ തൃശ്ശൂർ ജില്ലകളിൽ നിന്നായി നൂറിൽപരം പേർ ആഘോഷത്തിന്റെ ഭാഗമായി. ചലച്ചിത്ര അക്കാഡമി അംഗം എൻ. അരുൺ ഉദ്ഘാടനം ചെയ്തു. ഈ വർഷത്തെ ഡിസെബിലിറ്റി സ്റ്റേറ്റ് അവാർഡിന് അർഹനായ സൂരജ് കൊടുങ്ങല്ലൂരിനെ എൻ.അരുൺ ആദരിച്ചു. എഴുത്തുകാരി ശ്രീപാർവതി അദ്ധ്യക്ഷത വഹിച്ചു. ഭാരവാഹികളായ രാജീവ് ചെങ്ങന്നൂർ, ശരത്ത് പടിപ്പുര, ധന്യ മൂവാറ്റുപുഴ, ഉണ്ണി മാക്സ് കൂത്താട്ടുകുളം തുടങ്ങിയവർ സംസാരിച്ചു.