വൈപ്പിൻ : ശ്രീകൃഷ്ണ ജയന്തി ദിനത്തിൽ വൈപ്പിൻ കരയിലെ ശ്രീകൃഷ്ണ ക്ഷേത്രങ്ങളിൽ വിശേഷാൽ പൂജകളും പിറന്നാൾ സദ്യകളും നടന്നു. മുനമ്പം ശ്രീകൃഷ്ണ ക്ഷേത്രം, പള്ളിപ്പുറം ശ്രീകൃഷ്ണസ്വാമി ക്ഷേത്രം, എടവനക്കാട് അണിയൽ ക്ഷേത്രം എന്നിവിടങ്ങളിൽ ഉച്ചയ്ക്ക് പിറന്നാൾ സദ്യയും വൈകീട്ട് ദീപക്കാഴ്ചയും പ്രസാദവിതരണവുമുണ്ടായി.
ബാലഗോകുലത്തിന്റെ ആഭിമുഖ്യത്തിൽ വൈകിട്ട് വിവിധ ക്ഷേത്രങ്ങളിലേക്ക് നടത്തിയ ശോഭയാത്രകളിൽ ഉണ്ണിക്കണ്ണന്റെയും ഗോപികമാരുടെയും വേഷങ്ങളണിഞ് നൂറു കണക്കിന് ബാലികാബാലന്മാർ അണിനിരന്നു. വാദ്യമേളങ്ങളുടെയും നൃത്ത സംഘങ്ങളുടെയും അകമ്പടിയിൽ സന്ധ്യയോടെ പ്രധാന ക്ഷേത്രങ്ങളിലെത്തി ഉറിയടി, പ്രസാദ വിതരണം എന്നിവയോടെ സമാപിച്ചു.
ചെറായി ശ്രീ ഗൗരീശ്വര ക്ഷേത്രം, പള്ളിപ്പുറം ശ്രീകൃഷ്ണസ്വാമി ക്ഷേത്രം, പള്ളത്താം കുളങ്ങര ഭഗവതി ക്ഷേത്രം, എടവനക്കാട് അണിയൽ ക്ഷേത്രം, നായരമ്പലം ശങ്കരനാരായണ ക്ഷേത്രം, നെടുങ്ങാട് ദുർഗദേവി ക്ഷേത്രം, ഞാറക്കൽ ബാലഭദ്ര ഭഗവതി ക്ഷേത്രം, എള കുന്നപ്പുഴ നാരാണത്ത് ശ്രീകൃഷ്ണ ക്ഷേത്രം, പുതുവൈപ്പ് സുബ്രഹ്മണ്യ സ്വാമി ക്ഷേത്രം, അഴീക്കൽ മല്ലികാർജ്ജുന ക്ഷേത്രം, പുതുവൈപ്പ് അയോധ്യപുരം ക്ഷേത്രം എന്നിവിടങ്ങളിലാണ് ശോഭ യാത്രകൾ സമാപിച്ചത്.