കൊച്ചി: വയനാട് കൃഷ്ണഗിരി സ്റ്റേഡിയത്തിൽ നടന്ന ജേണലിസ്റ്റ് ക്രിക്കറ്റ് ലീഗിൽ എറണാകുളം പ്രസ് ക്ലബിന് കിരീടം. ഒരുലക്ഷംരൂപയും ട്രോഫിയും വയനാട് എസ്.പി തപോഷ് ബസുമതാരിയിൽനിന്ന് ടീമംഗങ്ങൾ ഏറ്റുവാങ്ങി. അദാനി പോർട്ട് സി.ഇ.ഒ രാഹുൽ ഭട്‌കോട്ടി സമാപന ചടങ്ങിൽ മുഖ്യാതിഥിയായി. ഫൈനൽ മത്സരത്തിൽ ഒമ്പത് വിക്കറ്റിനാണ് നിലവിലെ ചാമ്പ്യന്മാരായ തിരുവനന്തപുരത്തെ തകർത്തത്. എറണാകുളത്തിനായി അഭിലാഷ് 51 റൺസുമായും രഞ്ജു മത്തായി 32 റൺസുമായും പുറത്താകാതെ നിന്നു. ഭിലാഷാണ് ടൂർണമെന്റിലെ താരം.