മൂവാറ്രുപുഴ: ശ്രീനാരായണ പെൻഷണേഴ്സ് കൗൺസിൽ മൂവാറ്റുപുഴ യൂണിയന്റെ ആഭിമുഖ്യത്തിൽ നടന്ന ഓണാഘോഷവും കുടുംബ സംഗമവും ശ്രീകുമാര ഭജന ദേവസ്വം ക്ഷേത്രസന്നിധിയിലെ ഓപ്പൺ ഓഡിറ്റോറിയത്തിൽ എസ്.എൻ.ഡി.പി യോഗം മൂവാറ്രുപുഴ യൂണിയൻ പ്രസിഡന്റ് വി.കെ. നാരായണൻ ഉദ്ഘാടനം ചെയ്തു. കൗൺസിൽ പ്രസിഡന്റ് ഡോ. കെ.കെ. രാജൻ അദ്ധ്യക്ഷത വഹിച്ചു. യൂണിയൻ സെക്രട്ടറി അഡ്വ. എ.കെ. അനിൽകുമാർ ഓണസന്ദേശം നൽകി. കൗൺസിൽ സെക്രട്ടറി എം.എസ്. ഷാജി, മെമ്പർമാരായ ടി.വി. മോഹനൻ, എം.ആർ. വിശ്വഭംരൻ, എം.എൻ. പരമേശ്വരൻ, എ. ഗോപിനാഥ്, എ.എം. ഓമനകുട്ടൻ, എം.കെ. ഇന്ദിര, പി.വി. ശശീന്ദ്രൻ, വി.എസ്. സുരേഷ് എന്നിവർ സംസാരിച്ചു.