കോലഞ്ചേരി: പുറ്റുമാനൂർ ഗവ. യു.പി സ്കൂളിലെ കുട്ടികൾ നടത്തിവരുന്ന ഒരു വർഷത്തോളം നീണ്ട വായന പരിപാടിയുടെ ഭാഗമായി മ​റ്റക്കുഴി അനശ്വര ഗ്രാമീണ വായനശാല സന്ദർശിച്ചു. വായനശാലയുടെ പ്രവർത്തനങ്ങൾ മനസിലാക്കുന്നതിനായിരുന്നു സന്ദർശനം. വായനശാല പ്രസിഡന്റ് ബേബി മുണ്ടക്കൽ, സെക്രട്ടറി ജെയിംസ് വർഗീസ്, രക്ഷാധികാരി അഡ്വ. കെ.സി. പൗലോസ്, ടി.ടി. വർഗീസ്,​ സി.വി. കുര്യാക്കോസ്, ലൈബ്രേറിയൻ വിൻസി ജോയ്, അദ്ധ്യാപകരായ അരുൺ അശോക്, എം. അനുപ്രിയ രാജ് എന്നിവർ നേതൃത്വം നൽകി.