പെരുമ്പാവൂർ: തണ്ടേക്കാട് ജമാഅത്ത് എച്ച്.എസ്.എസിലെ ഫോറസ്ട്രി ആൻഡ് നേച്ചർ ക്ലബിന്റെ നേതൃത്വത്തിൽ തണ്ടേക്കാട് കിന്റർഗാർട്ടൻ പരിസരത്ത് മുളദിനം ആചരിച്ചു. ജമാഅത്ത് കിന്റർ ഗാർട്ടൻ മാനേജർ അബ്ദുൽ നസീർ മുല്ലപ്പള്ളി മുള തൈ നട്ട് ഉദ്ഘാടനം ചെയ്തു. ഫോറസ്ടി ആൻഡ് നേച്ചർ ക്ലബ് കൺവീനറും ജില്ലാ ജൈവ വൈവിദ്ധ്യ ബോർഡ് അംഗവുമായ കെ.എ. നൗഷാദ് മുഖ്യ പ്രഭാഷണം നടത്തി. അഡ്വൈസറി ബോർഡ് ചെയർമാൻ എം.എ. മുഹമ്മദാലി, വി.പി. അബൂബക്കർ, അംബി മൂക്കട, കിന്റർഗാർട്ടൻ പ്രിൻസിപ്പൽ ഇ.കെ. ബിന്ദു എന്നിവർ സംസാരിച്ചു. മുള തൈ വിതരണം, മുള ജൈവ വൈവിദ്ധ്യ ഡയറി തയ്യാറാക്കൽ, ശാസ്ത്രീയ നാമം ശേഖരിക്കൽ എന്നിവയും നടന്നു.