കൊച്ചി: നിരവധി കേസുകളിൽ പ്രതിയായ യുവാവിനെ കാപ്പ ചുമത്തി നാടുകടത്തി.

എറണാകുളം കസ്തുർബനഗർ വലിയന്തറവീട്ടിൽ മെജോ ജോസിനെയാണ് (26) ഒരു വർഷത്തേക്ക് കൊച്ചി സിറ്റിപരിധിയിൽ പ്രവേശിക്കുന്നത് വിലക്കിയത്. ഉത്തരവ് ലംഘിക്കുന്നത് മൂന്നുകൊല്ലംവരെ തടവ് ലഭിക്കുന്ന കുറ്റമാണ്. നരഹത്യാശ്രമം, കഠിന ദേഹോപദ്രവം, അടിപിടി തുടങ്ങിയ കേസുകളിലെ പ്രതിയാണ്. സാമൂഹികവിരുദ്ധ പ്രവർത്തനങ്ങളിൽ ഏർപ്പെടുന്നവർക്കെതിരെ ശക്തമായ നടപടികൾ സ്വീകരിക്കുമെന്ന് കൊച്ചി സിറ്റി പൊലീസ് കമ്മിഷണർ അറിയിച്ചു.