കോലഞ്ചേരി: കോലഞ്ചേരി ഉപജില്ല വിദ്യാരംഗം കലാസാഹിത്യവേദിയുടെ സർഗോത്സവം എ.ഇ.ഒ പി.ആർ. മേഖല ഉദ്ഘാടനം ചെയ്തു. ഹെഡ്മാസ്റ്റേഴ്‌സ് ഫോറം സെക്രട്ടറി അനിയൻ പി. ജോൺ അദ്ധ്യക്ഷനായി. വിദ്യാരംഗം കോ ഓർഡിനേറ്റർ അനുഷ ഉണ്ണി, വൈസ് ചെയർപേഴ്‌സൺ കെ.എം. മേരി, സുരേഷ് ടി. ഗോപാൽ, സൗമ്യ ബേസിൽ, സിസ്റ്റർ ബിന്ദു കുര്യാക്കോസ്, ടി. സപർണ, എസ്. കരോളിൻ വർഗീസ്, ഷിജി മത്തായി, എം.ജി. മഞ്ജുള എന്നിവർ സംസാരിച്ചു. യു.പി. വിഭാഗത്തിൽ കുമ്മനോട് ഗവ. യു.പി സ്‌കൂൾ, എച്ച്.എസ് വിഭാഗത്തിൽ ബേത്ലഹേം ദയറാ ഹൈസ്‌കൂൾ, എച്ച്.എസ്.എസ് വിഭാഗത്തിൽ കടയിരുപ്പ് ഗവ. എച്ച്.എസ്.എസ് എന്നിവർ ഓവറോൾ ട്രോഫി കരസ്ഥമാക്കി.