മൂവാറ്റുപുഴ: ശ്രീനാരായണ ഗുരുദേവന്റെ മഹാസമാധിദിനാചരണം എസ്.എൻ.ഡി.പി യോഗം മൂവാറ്റുപുഴ യൂണിയന് കീഴിലെ 33 ശാഖകളിലും വിപുലമായ പരിപാടികളോടെ ആചരിച്ചു. ശാഖകളിൽ സമൂഹ പ്രാർത്ഥനയും ഉപവാസവും പ്രഭാഷണവും അന്നദാനവും ഗുരുദേവ കീർത്തനാലാപനവും നടന്നു. യൂണിയൻ ആസ്ഥാനത്തെ ഗുരുദേവ ക്ഷേത്രത്തിൽ ടൗൺ ശാഖയുടെ നേതൃത്വത്തിൽ ഗുരുപൂജയും സമൂഹപ്രാർത്ഥനയും ഉപവാസ യജ്ഞവും നടത്തി.
മൂവാറ്റുപുഴ യൂണിയന് കീഴിലെ ശാഖകളിലെ ഗുരുദേവ കേന്ദ്രങ്ങളിൽ നടന്ന സമാധി ദിനാചരണത്തിൽ യൂണിയൻ ഭാരവാഹികൾ പങ്കെടുത്തു. ശാഖാ കേന്ദ്രങ്ങളിൽ എത്തിച്ചേർന്ന യൂണിയൻ ഭാരവാഹികൾ മഹാസമാധി സന്ദേശം നൽകി. യൂണിയൻ അതിർത്തിയിലെ ശാഖകളെ അഞ്ച് മേഖലകളായി തിരിച്ചാണ് ഭാരവാഹികൾ സന്ദർശനം നടത്തിയത്. മഹാസമാധി ദിനാചരണത്തിൽ നൂറുകണക്കിന് ശ്രീനാരായണ ഭക്തരാണ് പങ്കെടുത്തതെന്ന് യൂണിയൻ പ്രസിഡന്റ് വി.കെ. നാരായണൻ, സെക്രട്ടറി അഡ്വ. എ.കെ. അനിൽകുമാർ എന്നിവർ പറഞ്ഞു.
ഒന്നാം മേഖലയിൽ യൂണിയൻ പ്രസിഡന്റ് വി.കെ. നാരായണൻ, യോഗംഡയറക്ടർ ബോർഡ് മെമ്പർ പ്രമോദ് കെ. തമ്പാൻ, യൂണിയൻ കൗൺസിലർ ടി.വി. മോഹനൻ എന്നിവർ കായനാട്, കിഴുമുറി , പാമ്പാക്കുട ,കിഴുമുറി വെസ്റ്റി, കക്കാട്, അഞ്ചിപ്പെട്ടി കാക്കൂർ , മണ്ണത്തൂർ ശാഖകളിലും സമാധി സന്ദേശം നൽകി
രണ്ടാം മേഖലയിൽ യൂണിയൻ വൈസ് പ്രസിഡന്റ് പി.എൻ.പ്രഭ, യൂണിയൻ കൗൺസിലർ പി.ആർ. രാജു ശ്രീജിത് പി.എസ്. എന്നിവർ മൂവാറ്റുപുഴ ടൗൺ, മൂവാറ്റുപുഴ സൗത്ത് , മാറാടി ( 723), മാറാടി ( 2212), ആനിക്കാട്, ഈസ്റ്റ് വാഴപ്പിള്ളി ശാഖകളിലും സമാധി സന്ദേശം നൽകി
മൂന്നാം മേഖലയിൽ യൂണിയൻ കൗൺസിലർമാരായ എം.ആർ. നാരായണൻ, അനിൽകാവുംചിറ എന്നിവർ പെരിങ്ങഴ, പെരുമ്പല്ലൂർ, തേവർകാട്, ആരക്കുഴ, കാവന, ആവോലി ശാഖകളിലും സമാധി സന്ദേശം നൽകി
നാലാം മേഖലയിൽ യൂണിയൻ സെക്രട്ടറി അഡ്വ. എ.കെ. അനിൽകുമാർ, ക്ഷേത്ര കമ്മിറ്റി കൺവീനർ പി.വി. അശോകൻ, ദീപു കെ.എ. എന്നിവർ രണ്ടാർ, ഏനാനല്ലൂർ, കല്ലൂർക്കാട് , മഞ്ഞള്ളൂർ, ആയവന, പേരമംഗലം, കാലാമ്പൂർ, കക്കാട്ടൂർ ശാഖകളിലും സമാധി സന്ദേശം നൽകി
അഞ്ചാം മേഖലയിൽ യോഗം ഡയറക്ടർ ബോർഡ് അംഗം അഡ്വ. എൻ. രമേശ്, യൂണിയൻ പഞ്ചായത്ത് കമ്മിറ്റി അംഗം എം.എസ്. വിൽസൻ , കെ.ജി. അരുൺകുമാർ എന്നിവർ കടാതി, വാളകം, മൂവാറ്റുപുഴ നോർത്ത് , വെള്ളൂർക്കുന്നം, തൃക്കളത്തൂർ, പായിപ്ര ശാഖകളിലും സമാധി സന്ദേശം നൽകി.