പറവൂർ: ശ്രീനാരായണ ഗുരുദേവന്റെ 98-ാമത് മഹാസമാധിദിനം എസ്.എൻ.ഡി.പി യോഗം പറവൂർ യൂണിയന്റെയും വിവിധ ശ്രീനാരായണ സ്ഥാപനങ്ങളുടെയും നേതൃത്വത്തിൽ വിവിധ ചടങ്ങുകളോടെ ആചരിച്ചു.

യൂണിയൻ ആസ്ഥാനത്തെ ഗുരുമണ്ഡപത്തിൽ വൈദികയോഗത്തിന്റെ നേതൃത്വത്തിൽ പ്രത്യേക പൂജകൾ നടന്നു. യൂണിയൻ ഓഡിറ്റോറിയത്തിൽ നടന്ന സമാധിദിന സമ്മേളനം എസ്.എൻ.ഡി.പി യോഗം കൗൺസിലർ ഇ.എസ്. ഷീബ ഉദ്ഘാടനം ചെയ്തു. യൂണിയൻ ചെയർമാൻ സി.എൻ. രാധാകൃഷ്ണൻ അദ്ധ്യക്ഷനായി. കൺവീനർ ഷൈജു മനയ്ക്കപ്പടി, യോഗം ഡയറക്ടർമാരായ പി.എസ്. ജയരാജ്, എം.പി. ബിനു, ഡി. ബാബു, യൂണിയൻ കമ്മിറ്റി അംഗങ്ങളായ ഡി. പ്രസന്നകുമാർ, കണ്ണൻ കൂട്ടുകാട്, കെ.ബി. സുഭാഷ്, വി.എൻ. നാഗേഷ്, ടി.എം. ദിലീപ്, വി.പി. ഷാജി, വനിതാസംഘം പ്രസിഡന്റ് ഷൈജ മുരളീധരൻ, സെക്രട്ടറി ബിന്ദു ബോസ്, യൂത്ത്മൂവ്മെന്റ് പ്രസിഡന്റ് കെ.എസ്. അഭിഷേക്, സെക്രട്ടറി നിഖില ദിലീപ്, യൂണിയൻ എം.എഫ്.ഐ കോ ഓഡിനേറ്റർമാരായ പി.ബി. ജോഷി, എ.എൻ. ഗോപാലകൃഷ്ണൻ തുടങ്ങിയവർ സംസാരിച്ചു. സമാധിപ്രാർത്ഥന, ഉപവാസയജ്ഞം, ദീപക്കാഴ്ച എന്നിവ നടന്നു.

മൂത്തകുന്നം ഹിന്ദുമത ധർമ്മപരിപാലന സഭയുടെ നേതൃത്വത്തിൽ ശ്രീനാരായണമംഗലം ക്ഷേത്രാങ്കണത്തിലെ ഗുരുമണ്ഡപത്തിൽ ഗുരുപൂജ, സമാധി പ്രാർത്ഥന തുടർന്ന് കഞ്ഞി വിതരണം, ദീപക്കാഴ്ച എന്നിവ നടന്നു.

പറവൂർ ഈഴവസമാജം പറവൂത്തറ ശ്രീകുമാരമംഗലം ക്ഷേത്രത്തിൽ ഗുരുപൂജ, പ്രാർത്ഥന, പ്രസാദഊട്ട്. പുല്ലംകുളം ശ്രീനാരായണ ഹയർസെക്കൻഡറി സ്കൂളിലെ ഗുരുമണ്ഡപത്തിൽ ഗുരുദേവ പ്രാർത്ഥന, ദീപക്കാഴ്ച എന്നിവ നടന്നു.

ചേന്ദമംഗലം പാലാതുരുത്ത് - മുണ്ടുരുത്തി ഗുരുദേവ സംഘമിത്രയിൽ ഉപവാസ പ്രാർത്ഥന, സമർപ്പണം, പ്രഭാഷണം, കഞ്ഞി വിതരണം എന്നിവ നടന്നു.