ആലുവ: എസ്.എൻ.ഡി.പി യോഗം തോട്ടക്കാട്ടുകര ശാഖയിൽ സംഘടിപ്പിച്ച ശ്രീനാരായണ ഗുരുദേവ സമാധി സമ്മേളനം യോഗം പ്രസിഡന്റ് ഡോ. എം.എൻ. സോമൻ ഉദ്ഘാടനം ചെയ്തു. ശാഖാ പ്രസിഡന്റ് ദിലീപ് കുമാർ അദ്ധ്യക്ഷനായി. യൂണിയൻ പ്രസിഡന്റ് വി. സന്തോഷ് ബാബു, മേഖലാ കൺവീനർ കെ.കെ. മോഹനൻ, കൗൺസിലർ സജീവൻ ഇടച്ചിറ, ശാഖാ സെക്രട്ടറി പി.ആർ. രാജേഷ്, പി.എം. വേണു എന്നിവർ സംസാരിച്ചു. തുടർന്ന് ഗുരുപൂജ, സമൂഹപ്രാർത്ഥന, ഉപവാസം എന്നിവ നടന്നു.