കാലടി: സമഗ്ര ശിക്ഷ കേരളം ക്ലാസ് റൂം ആൻഡ് ലാബ് പദ്ധതി നീലീശ്വരം ഗവ. എൽ.പി.എസിൽ മലയാറ്റൂർ നീലീശ്വരം ഗ്രാമപഞ്ചായത്ത് പ്രസിഡന്റ് ജോയ് അവോക്കാരൻ ഉദ്ഘാടനം ചെയ്തു. 3, 4 ക്ലാസുകളിൽ മലയാളം, ഗണിതം, ഇംഗ്ലീഷ്, പരിസര പഠനം എന്നീ വിഷയങ്ങൾക്ക് ഊന്നൽ നൽകി കൊണ്ടാണ് ലാബുകൾ സജ്ജീകരിച്ചിരിക്കുന്നതെന്ന് പ്രധാനാദ്ധ്യാപിക കെ.വി. ലില്ലി പറഞ്ഞു. അങ്കമാലി ഉപജില്ല ബി.പി.സി കെ.എൻ. ഷിനി,​ വാർഡ് മെമ്പർ വിജി രജി, അങ്കമാലി ബി.ആർ.സി കോഓർഡിനേറ്റർ സന്തോഷ്, പി.ടി.എ പ്രസിഡന്റ് കരിഷ്മ വിമൽ, പ്രകാശ് പറക്കാട്ട്, പാപ്പച്ചൻ, വിനു ജോൺ ചിറ്റുപ്പറമ്പൻ, ടി.എൽ. പ്രദീപ്, കെ.എസ്. ബിനുമോൾ കെ.എസ് എന്നിവർ സംസാരിച്ചു.