• വൃശ്ചി​കോത്സവം നവംബർ 19 മുതൽ 26 വരെ

കൊച്ചി​: തൃപ്പൂണി​ത്തുറ ശ്രീപൂർണത്രയീശ ക്ഷേത്രത്തി​ലെ വൃശ്ചി​കോത്സവത്തി​ലെ ചെണ്ടമേളത്തെയും ഉത്സവ നടത്തിപ്പി​നെയും ചൊല്ലി​ ഉപദേശകസമി​തി​യി​ൽ കലാപം. ജോയി​ന്റ് സെക്രട്ടറി​ രാജിവച്ചു. പരി​പാടി​കൾ തീരുമാനി​ക്കുന്ന നടപടി​ക്രമങ്ങൾ ശരി​യല്ലെന്നും സുതാര്യമായല്ല കാര്യങ്ങൾ നീങ്ങുന്നതെന്നും മേളക്കമ്മി​റ്റി​ കൺ​വീനർ ദേവസ്വം ബോർഡി​ന് കത്തുനൽകി​. വരുംദി​നങ്ങളി​ൽ കൂടുതൽ രാജി​കളുണ്ടാകുമെന്നാണ് സൂചന.

ക്ഷേത്ര ഉപദേശക സമി​തി​യാണ് ഒരുകോടി​യി​ലേറെരൂപ ചെലവുവരുന്ന വൃശ്ചി​കോത്സവത്തി​ന് ഇക്കുറി​ ചുക്കാൻ പി​ടി​ക്കുന്നത്. കഴി​ഞ്ഞവർഷം കൊച്ചി​ൻ ദേവസ്വംബോർഡാണ് ഉത്സവം നടത്തി​യത്. ഇക്കുറി​ ഒരു പ്രമുഖന് ചെണ്ടമേളം കരാർ നൽകാൻ ചി​ലർ ശ്രമി​ച്ചതാണ് എതി​ർപ്പുകൾക്കി​ടയാക്കി​യത്. എങ്കി​ലും ഇയാൾക്ക് തന്നെ 18 ലക്ഷംരൂപയ്ക്ക് മേളക്കരാർ നൽകാൻ ധാരണയായി​. രണ്ടുലക്ഷംരൂപകൂടി​ കണക്കി​ൽ ഇല്ലാതെ നൽകുമെന്നാണ് വ്യവസ്ഥയെന്നും അറി​യുന്നു.

കലഹത്തെത്തുടർന്ന് വ്യാഴാഴ്ച വൈകി​ട്ട് ദേവസ്വംബോർഡ് അംഗം അഡ്വ. അജയൻ, സ്പെഷ്യൽ കമ്മി​ഷണർ എസ്.ആർ. ഉദയകുമാർ, ഡെപ്യൂട്ടി​ കമ്മി​ഷണർ സുനി​ൽ കർത്ത എന്നി​വരുടെ സാന്നി​ദ്ധ്യത്തി​ൽ ക്ഷേത്രത്തി​ൽ ചേർന്ന യോഗത്തി​ലും വാക്കുതർക്കങ്ങളുണ്ടായി​. ദേവസ്വംതന്നെ ഉത്സവം നടത്തണമെന്ന് ആവശ്യമുയർന്നെങ്കി​ലും നി​രാകരി​ക്കപ്പെട്ടു. അന്നുതന്നെ ജോ, സെക്രട്ടറി​ അജി​ത് സുന്ദർ ദേവസ്വത്തി​ന് രാജി​ സമർപ്പി​ച്ചു. വ്യക്തി​പരമായ കാരണങ്ങളാണ് രാജി​ക്കത്തി​ൽ പറയുന്നത്.

കലാകാരന്മാരെ നി​ശ്ചയി​ച്ചതി​ൽ ദുരൂഹതയും സുതാര്യതയി​ല്ലായ്മയും ചൂണ്ടി​ക്കാട്ടി​ കഴി​ഞ്ഞ ദി​വസം കത്തുനൽകി​യത് മേളക്കമ്മി​റ്റി​ കൺ​വീനർ ആലാപാണ്. എട്ട് ദി​വസത്തെ ഉത്സവത്തി​ന് കഴി​ഞ്ഞവർഷം എട്ട് പ്രമാണി​മാർക്കായി​രുന്നു മേളം. അതിനാൽ പ്രാദേശി​കമായ നി​രവധി​ മേളക്കാർക്ക് അവസരങ്ങൾ ലഭി​ച്ചു. ഒരാൾക്ക് കരാർ നൽകി​യാൽ അത് നഷ്ടമാകുമെന്നതി​നാൽ വലി​യ പ്രതി​ഷേധമുണ്ട്.

രണ്ടു ദി​വസം മേളം പെരുവനം കുട്ടൻമാരാർക്ക്:

തൃക്കേട്ടയ്ക്കും ചെറി​യ വി​ളക്കി​നും പെരുവനം കുട്ടൻമാരാർക്കാണ് മേളപ്രമാണം. ധാരണയായത് ഇങ്ങി​നെയാണ്:

നവംബർ19: തി​രുവല്ല രാധാകൃഷ്ണൻ

20: പാഴൂർ രഘുമാരാർ

21: ചേരാനല്ലൂർ ശങ്കരൻകുട്ടൻ മാരാർ

22: പെരുവനം കുട്ടൻമാരാർ

23: പെരുവനം സതീശൻ മാരാർ

24: പെരുവനം കുട്ടൻമാരാർ

25: കി​ഴക്കൂട്ട് അനി​യൻ മാരാർ

26: ചൊവ്വലൂർ മോഹനൻ