കോലഞ്ചേരി: നെല്ലാട് കിഴക്കമ്പലം റോഡിൽ ബി.എം, ബി.സി നിലവാരത്തിൽ ടാർ ചെയ്തതിനു ശേഷം സ്ഥാപിച്ച റോഡ് ഡെലൈനേറ്റർ അഥവാ ഗൈഡ് പോസ്റ്റുകൾ മുഴുവനും മാറ്റി സ്ഥാപിച്ചു. നേരത്തെ ചുവപ്പ് വെള്ള നിറങ്ങളിൽ രണ്ട് ലൈൻ സിഗ്‌നൽ ഫ്‌ളൂറസെൻസാണ് ഉണ്ടായിരുന്നത്. കിഫ്ബിയുടെ നിർദ്ദേശപ്രകാരം ഇപ്പോൾ അതെല്ലാം മാറ്റി 3 ലൈൻ വൈറ്റ് സിഗ്‌നൽ ഫ്‌ളൂറസെൻസുള്ളവയാണ് മാറ്റി സ്ഥാപിച്ചിരിക്കുന്നത്. നേരത്തെ സ്ഥാപിച്ചിരുന്ന സിഗ്‌നൽ പോസ്റ്റുകളിൽ 16 എണ്ണം മഞ്ചനാട് ഭാഗത്ത് മോഷണം പോയിരുന്നു. ഇതിനെതിരെ പൊലീസ് കേസ് നിലവിലുണ്ട്. മോഷണം പോയ ഭാഗത്തും പുതിയതായി പോസ്റ്റുകൾ സ്ഥാപിച്ചിട്ടുണ്ട്.